ދުނިޔޭގެ މައި ފުޓްބޯޅަ އިދާރާ ފީފާ އިން ހޮވާ އެންމެ މޮޅު ފުޓްބޯޅަ ކުޅުންތެރިޔާ އަށް ދޭ ބެސްޓް ބެސްޓް އެވޯޑްސްގެ ފޯމެޓަށް ފީފާ އިން އެވޯޑެއް ދޭން ފެށީ 2016 ވަނަ އަހަރު އެވެ. މި ފަހަރުގެ އެވޯޑަށް ވިނީއާ ވާދަކުރީ، ފްރާންސް ފުޓްބޯލް މެގަޒިން އިން ދޭ ބެލޮންޑިއޯ އެވޯޑް ހާސިލްކުރި މެންޗެސްޓާ ސިޓީގެ ރޮޑްރީ، އިންޓަ މިއާމީ އަށް ކުޅޭ އާޖެންޓީނާގެ ލިއޮނަލް މެސީ، ރެއާލް މެޑްރިޑްގެ ފަސް ކުޅުންތެރިން ކަމަށްވާ، ކީލިއަން އެމްބާޕޭ، ޖޫޑް ބެލިންހަމް، ފެޑެރީކޯ ވަލްވޭޑޭ، ޓޯނީ ކްރޫސް އަދި ޑެނީ ކާވަހާލް އާއި މެންޗެސްޓާ ސިޓީގެ އާލިން ބްރައުޓް ހާލަންޑް އަދި ބަޔާ ލެވަކޫސަންގެ ފްލޯރިއަން ވާޓްޒް އެވެ.
ފީފާ އިން ހޮވި ޑްރީމް ޓީމުގައި ހިމެނެނީ، އާޖެންޓީނާގެ ކީޕަރު މާޓިނޭޒް، ސްޕެއިނުގެ، ކާވަހާލް، ރޮޑްރީ، ލަމީން ޔަމާލް، ޖަރުމަނުގެ އެންޓޯނިއޯ ރޫޑިގާ، ކްރޫސް، ފްރާންސްގެ ވިލިއަމް ސަލީބާ، ޕޯޗުގަލްގެ ރުބެން ޑިއާޒް އާއި ނޯވޭގެ އާލިން ބްރައުޓް ހާލަންޑް އެވެ.
ފީފާ ބެސްޓް އެވޯޑްގައި މަގާމުތަކަށް ކުޅުންތެރިން ހޮވަނީ ގައުމީ ޓީމުތަކުގެ ކެޕްޓަނުންނާއި ކޯޗުންގެ އިތުރުން ނޫސްވެރިންގެ ވޯޓާއިއެކު ސަޕޯޓަރުންގެ ވޯޓުވެސް ހިމަނައިގެންނެވެ.
