މި ޑިސެމްބަރު މަހުގެ 12 ވަނަ ދުވަހު ، ހަވީރީ ހިނގުމުގަިއ ހުންނަ ، "ލެޓްސް ކޮފީ މޯލްޑޯވްސް"އަށް ވަދެ ތޫނު ހަތިޔާރު ބޭނުންކޮށްގެން އެތަނުގެ މުވައްޒަފުންނަށް ބިރުދައްކާ، މުދަލަށް ގެއްލުން ދީފައިވާ މައްސަލަ އާ ގުޅިގެން ހައްޔަރުކުރި 2 މީހުންނަކީ ގއ. ދެއްވާދޫ އަދި ބ.ތުޅާދޫއަށް ނިސްބަތްވާ ބައެއް ކަމަށް ފުލުހުން ބުނެއެވެ.
އެގޮތުން ހައްޔަރުކުރި ތުޅާދޫ މީހަކީ އުމުރުން 44 އަހަރުގެ އަސަދުﷲ ހާތިމް އަދި ހައްޔަރުކޮށްފައިވާ ދެއްވާދޫ މީހަކީ އުމުރުން 31 އަހަރުގެ އަހުމަދު ތައުފީގް ކަމަށް ފުލުހުން މައުލޫމާތުދެއެވެ.
މިދިޔަ ހޯމަ ދުވަހު އެމީހުން ހައްޔަރުކޮށްފައިވަނީ ކޯޓު އަމުރެއްގެ ދަށުން ކަމަށާއި ، އެމީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ، 5 ދުވަހަށް ބަންދުގައި ބޭތިއްބުމަށް ކޯޓް އިން އަމުރުކޮށްފައިވާ ކަމަށް ފުލުހުން ބުނެއެވެ.
ފުލުހުން ބުނީ މިމައްސަލަ މިހާރު ދަނީ އިތުރަށް ތަހުގީގު ކުރަމުން ކަމަށެވެ.
