ކްލައިމެޓް މިނިސްޓަރު ތޯރިގު އިބްރާހީމް ވިދާޅުވީ މި ޖާނަލް ތައާރަފުކުރުމަކީ ދިވެހިރާއްޖޭގެ އިންޖިނިއަރިން އަދި ޓެކްނޮލޮޖީގެ ދާއިރާއަށް ލިބިގެންދިޔަ ވަރަށް މުހިންމު ކުރިއެރުމެއް ކަމަށެވެ. އަދި މިކަމުގެ ސަބަބުން ރާއްޖޭގެ ތަރައްގީއަށް ބޭނުންވާ އާ އީޖާދުތަކާއި ހައްލުތައް ހޯދުމަށް މަގުފަހިވެގެންދާނެ ކަމަށް އުއްމީދުކުރައްވާ ކަމަށްވެސް އެމަނިކުފާނު ވިދާޅުވިއެވެ.
އެމްޖެޓްގައި ޝާއިއުކުރެވޭ ހުރިހާ މަޒުމޫނުތަކަކީވެސް ޕިއާ-ރިވިއުކުރެވޭ، އަދި އޯޕަން އެކްސެސް މަޒުމޫނުތަކެކެވެ. އަދި ކްރިއޭޓިވް ކޮމަންސް އެޓްރިބިއުޝަން ލައިސަންސްގެ ދަށުން ޝާއިއުކުރެވޭ މި މަޒުމޫނުތައް، އަސްލު ލިޔުންތެރިޔާއަށް ކްރެޑިޓް ދިނުމާއެކު، ބޭނުންކުރުމާއި، ހިއްސާކުރުމުގެ ފުރުސަތު އެންމެންނަށް ލިބިގެންދާނެއެވެ.
މި ޖާނަލްގައި ތިއަރެޓިކަލް، ކޮމްޕިއުޓޭޝަނަލް އަދި އެކްސްޕެރިމެންޓަލް ދިރާސާތައް ޝާއިއުކުރެވޭނެއެވެ. އަދި ދުނިޔޭގެ ކޮންމެ ގައުމަކަށް ވެސް ބައިވެރިވުމުގެ ފުރުސަތު ހުޅުވާލެވިފައިވާއިރު، ހާއްސަކޮށް ދިވެހިންނަށް މި ޕްލެޓްފޯމްގެ ބޭނުން ހިފުމުގެ ފުރުސަތު ލިބިގެންދާނެއެވެ.
- އެމްޖެޓްއަކީ ދިވެހިރާއްޖޭގެ ފުރަތަމަ އިންޖިނިއަރިން އަދި ޓެކްނޮލޮޖީ ޖާނަލް
- ޖާނަލް ތައާރަފުކޮށްދެއްވީ ކްލައިމެޓް މިނިސްޓަރު ތޯރިގު އިބްރާހީމް
- ހުރިހާ މަޒުމޫނުތަކަކީ ޕިއަރ-ރިވިއުކުރެވޭ އަދި އޯޕަން އެކްސެސް މަޒުމޫނުތަކެއް
- ކްރިއޭޓިވް ކޮމަންސް އެޓްރިބިއުޝަން ލައިސަންސްގެ ދަށުން ޝާއިއުކުރެވޭ މަޒުމޫނުތައް ހިމެނޭނެ
- ދުނިޔޭގެ ހުރިހާ ގައުމުތަކަށް ބައިވެރިވުމުގެ ފުރުސަތު ހުޅުވާލެވިފައިވޭ
