ފުލުހުން މިއަދު ގެޒެޓް ކުރި އިއުލާނެއްގައި ބުނީ މި އުޅަނދުތަކުގެ ތެރޭގައި ދެ މޮޓޯ ސައިކަލާއި، ދެ ކާރާއި އަދި އެއް ޓްރަކު ހިމެނޭ ކަމަށެވެ. އަދި މި އުޅަނދުތައް ގެންދިއުމަށް ވެރި ފަރާތްތަކަށް 60 ދުވަހުގެ މުއްދަތެއް ދީފައިވާ ކަމަށް ބުންޏެވެ.
ފުލުހުން އިތުރަށް ބުނީ މި މުއްދަތުގެ ތެރޭގައި އުޅަނދުތައް ނުގެންގޮސްފި ނަމަ، އެއްގަމު ދަތުރުފަތުރުގެ ގާނޫނުގެ 1-68 ވަނަ މާއްދާގެ ދަށުން ހަމަޖެހިފައިވާ އުސޫލުން އެ އުޅަނދުތައް ނައްތާލާނެ ކަމަށެވެ.
މާލެ ސަރަހައްދުގައި އުޅަނދު ތޮއްޖެހުމުގެ މައްސަލަ ހައްލު ކުރުމަށް ސަރުކާރުން ވަނީ މިދިޔަ އޮގަސްޓް މަހު ގަވާއިދާ ހިލާފަށް ދުއްވާ އުޅަނދުތައް ގަވާއިދުގެ ތެރެއަށް ވެއްދުމަށް ހަ މަސް ދުވަހުގެ މުއްދަތެއް ދީފަ އެވެ. އަދި މާލޭގެ މަގުތަކުގައި ގަވާއިދާ ހިލާފަށް ބަހައްޓާފައި ހުންނަ އުޅަނދުތައް ނެގުމުގެ މަސައްކަތް ވެސް ދަނީ ކުރަމުންނެވެ.
- ފުލުހުންގެ ބެލުމުގެ ދަށުގައި ހުރި ފަސް އުޅަނދު ގެންދަން 60 ދުވަސް ދީފި
- އުޅަނދުތަކުގެ ތެރޭގައި ދެ މޮޓޯ ސައިކަލާއި، ދެ ކާރާއި އެއް ޓްރަކު ހިމެނޭ
- މުއްދަތުގެ ތެރޭގައި ނުގެންގޮސްފިނަމަ އުޅަނދުތައް ނައްތާލާނެ
- ގަވާއިދާ ހިލާފަށް ދުއްވާ އުޅަނދުތައް ގަވާއިދުގެ ތެރެއަށް ވެއްދުމަށް ހަ މަސް ދުވަހުގެ މުއްދަތެއް ދީފައިވޭ
