ads
ވޭޕްގެ އުފަދުންތައް އަންނަމަހުގެ 15 އިން ފެށިގެން ރާއްޖެ އެތެރެކުރުން މަނާކުރަން ވަނީ ނިންމާފައި
ވޭޕް ބޭނުންކުރި ހަތަރު މީހަކު ޖޫރިމަނާކޮށްފި
ވޭޕް ބޭނުންކުރުން މަނާކުރުމަށްފަހު، މިހާތަނަށް ހަތަރު މީހަކު ޖޫރިމަނާކޮށްފި އެވެ.
Advertisement

މިގޮތުން ޖުމުލަ 20،000 ރުފިޔާގެ ޖޫރިމަނާއެއް ކޮށްފައިވާ ކަމަށް ފުލުހުން ބުނެފި އެވެ.

ފުލުހުންގެ މީޑިއާ އޮފިޝަލެއް ބުނީ މި މަހުގެ 17 ވަނަ ދުވަހުގެ ނިޔަލަށް ދުންފަތް ކޮންޓްރޯލްކުރުމާ ބެހޭ ގާނޫނާ ހިލާފުވި ހަތަރު ފަރާތެއް ޖޫރިމަނާ ކޮށްފައިވާ ކަމަށެވެ. އަދި މި ޖޫރިމަނާތައް ކޮށްފައިވަނީ ދުންފަތް ކޮންޓްރޯލްކުރުމާބެހޭ ގާނޫނަށް ގެނައި އިސްލާހާ އެއްގޮތަށް ކަމަށް އެ އޮފިޝަލު ބުންޏެވެ.

ވޭޕް ބޭނުންކުރާ މީހުން 5،000 ރުފިޔާއިން ޖޫރިމަނާ ކުރެވޭނެ ކަމަށް ގާނޫނުގައި ބަޔާންކޮށްފައިވެ އެވެ. އަދި ވޭޕް ވިއްކާ މީހުންނަށް 20،000 ރުފިޔާގެ ޖޫރިމަނާއެއް ކުރެވޭނެ ކަމަށާއި، ވިއްކާ ކޮންމެ ވޭޕަކަށް 10،000 ރުފިޔާގެ މަގުން އިތުރު ޖޫރިމަނާއެއް ކުރެވޭނެ އެވެ.

ރާއްޖެއަށް ވޭޕް އެތެރެކުރުން މަނާކުރީ މިދިޔަ މަހުގެ 15 ވަނަ ދުވަހު އެވެ. އަދި މި މަހުގެ 15 ވަނަ ދުވަހުން ފެށިގެން ރާއްޖޭގައި ވޭޕްގެ ވިޔަފާރިކުރުމާއި އެ ބުއިން ވަނީ މަނާކޮށްފަ އެވެ. ވޭޕް އެތެރެކުރާ މީހުންނަށް 50،000 ރުފިޔާގެ ޖޫރިމަނާއެއް ކުރެވޭނެ ކަމަށާއި، އެތެރެކުރާ ކޮންމެ ވޭޕަކަށް 10،000 ރުފިޔާގެ މަގުން އިތުރު ޖޫރިމަނާއެއް ކުރެވޭނެ އެވެ.

  • ޖުމުލަ 20،000 ރުފިޔާގެ ޖޫރިމަނާ ކުރެވިފައިވޭ
  • ވޭޕް ބޭނުންކުރާ މީހުންނަށް 5،000 ރުފިޔާގެ ޖޫރިމަނާއެއް ކުރެވޭނެ
  • ވޭޕް ވިއްކާ މީހުންނަށް 20،000 ރުފިޔާގެ ޖޫރިމަނާއެއް ކުރެވޭނެ
  • ވޭޕް އެތެރެކުރާ މީހުންނަށް 50،000 ރުފިޔާގެ ޖޫރިމަނާއެއް ކުރެވޭނެ
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް