އެ މީހާ ހައްޔަރުކުރީ އިއްޔެ ހިނގި މި ހާދިސާގެ ވީޑިއޯ ސޯޝަލް މީޑިއާގައި ފެތުރުމާ ގުޅިގެން ފުލުހުން ކުރި ތަހުގީގަކަށް ފަހު އެވެ. ފުލުހުން ބުނީ އެ މީހާ ދުއްވި ސައިކަލް ވެސް މިހާރު ވަނީ ފުލުހުންގެ ބެލުމުގެ ދަށަށް ގެންގޮސްފައި ކަމަށެވެ.
ވީޑިއޯގައި ފެންނަ ގޮތުން، މޫނު ނުފެންނަ ގޮތަށް ހެލްމެޓް އަޅައިގެން ހުރި އެ މީހާ ވަނީ އަންހެން މީހާގެ ކަރުގައި އޮތް ފަށް ޖަހައިގަތުމަށް ފަހު، އަނެއްކާ ވެސް އޭނާއާ ދިމާލަށް އައިސް އަތްދަބަސް ފޭރިގަންނަން މަސައްކަތްކޮށްފަ އެވެ. ނަމަވެސް އެ ސަރަހައްދަށް މީހުން އައުމާ ގުޅިގެން އޭނާ ވަނީ ފިލައިގެން ގޮސްފަ އެވެ.
މި ހާދިސާގައި އަންހެން މީހާ ވަނީ ސައިކަލް ވެސް ވައްޓާލާފައި ދުވެފަ އެވެ. އަދި ދެވަނަ ފަހަރަށް އެ މީހާ އައުމުން އަނެއްކާ ވެސް ދުވެފައި ގޮސް ސަލާމަތްވި އެވެ.
- އެ މީހާ ދެފަހަރު މަތިން އަންހެން މީހާއަށް ހަމަލާދިން
- ފުރަތަމަ ފަށް ޖަހައިގަތުމަށްފަހު އަތްދަބަސް ފޭރިގަންނަން މަސައްކަތްކުރި
- ހަމަލާދިން މީހާ ހުރީ މޫނު ނުފެންނަ ގޮތަށް ހެލްމެޓް އަޅައިގެން
- ފުލުހުން ވަނީ އޭނާ ދުއްވި ސައިކަލް ވެސް އަތުލައިފި
