ގެއްލިގެން ހޯދަނީ އައްޑޫން ފުރައިގެން މާލެއަށް ދަތުރުކުރި "ސީމެކްސް" ކިޔާ ބޯޓެއްގެ ފަޅުވެރިއެއްގެ ގޮތުގައި މަސައްކަތްކުރާ ނޭޕާލްގެ ރާޖް ކުމާރު ނަމަކަށް ކިޔާ މީހެކެވެ. އެ މީހާ ގެއްލިގެން ހޯދަން ފެށީ މި މަހުގެ 17 ވަނަ ދުވަހެވެ.
އެމްއެންޑީއެފް އިން މިއަދު ބުނީ، މިހާދިސާއާ ގުޅިގެން ގެއްލުނު މީހާ ހޯދުން މިހާރު މެދުކަނޑާލާފައިވާ ކަމަށެވެ.
ސިފައިން އިތުރަށް ބުނީ މި އޮޕަރޭޝަނުގައި ފުވައްމުލަކު ވަށައިގެންވާ ސަރަހައްދާއި އައްޑޫ ކަނޑުގެ 304 ނޯޓިކަލް މޭލުގެ ސަރަހައްދެއް ބަލާފައިވާ ކަމަށެވެ.
މިހާތަނަށް އެ މީހާ ފެނިފައިނުވާއިރު މުޅި އޮޕަރޭޝަން ކުރިއަށް ގެންދިޔައީ ކަނޑުމަގުން ކަމަށްވެސް ބުންޏެވެ.
މިއީ ރާއްޖޭގެ ސަރަހައްދަށް ހުޅަނގު މޫސުން ނިމި، އިރުވައި މޫސުން ފެށޭ ދުވަސްވަރަށް ވުމާ އެކު ކޮޅިގަނޑުތައް އުފެދުމުގެ ފުރުސަތު އޮންނާނެތީ ރާއްޖެ ސަރަހައްދަށް މޫސުން ގޯސްވާނެ ކަމަށް މެޓް އޮފީީހުން އިއްޔެ ވެސް ވަނީ ލަފާކޮށްފަ އެވެ.
ބަންގާޅު ކަނޑުގައި އިއްޔެ މިފަދަ ކޮޅިގަނޑެއް އުފެދިފައިވާއިރު، ރާއްޖޭގެ ދެކުނުން ވެސް ކޮޅިގަނޑެއް އުފެދޭނެ ކަމަށް މެޓުން ލަފާކުރެ އެވެ. މެޓުން ބުނީ މި ކޮޅިގަނޑުތަކުގެ ސަބަބުން ރާއްޖެ ސަރަހައްދަށް ވައިގަދަވެ، ކަނޑު ވެސް ގަދަވާނެ ކަމަށެވެ.
