އުރިދޫއިން އިން އިވެންޓް ބޭއްވި ވަގުތު ބޯކޮށް ވާރޭ ވެހުނު ނަަމަވެސް މަޖާ ކުރުމާ ފޯރިގަދަކަމަށް އެންމެ މިންވަރެއްވެސް މަދެއް ނުވެއެވެ.
އުރީދޫގެ މި ދުވުމުގައި 6500 މީހުން ބައިވެރިވެފައިވާއިރު ހުރިހާ ފަރާތްތަކުން ފަން ރަންއަށް ބޮޑު ތަރުހީބެއް ލިބިގެންދިޔައެވެ. ވާރޭވެހުނު ނަމަވެސް ފެށި ވަގުތަށް އެއްވެސް ލަސްކަމެއް ނާސް ހުޅުމާލޭ ސެންޓްރަލް ޕާކްގައި ދުވުން ފެށިގެން ދިޔައިރު ފެނިގެން ދިޔައީ އުފާވެރި، މަޖާ މަންޒަރެކެވެ.
ފޮޓޯ:އުރީދޫ
މި ދުވުމުގެ ކޮންމެ ކިލޯމީޓަރެއް ފެެށޭ ހިސާބުގައި، ކޮންމެ ބައިވެރިއަކަށްވެސް ވަނީ އުރީދޫއިން އިންތިޒާމްކޮށްފައިވާ ފަން ސްޓޭޝަންތަކުން މަރުހަބާ ކިޔާފައެވެ. ކުލަ ޖެހުމުގެ އިތުރުން ހަރަކާތް އިތުރަށް ފޯރިގަދަ ކުރުމަށްޓަކައި އުރީދޫއިން ފޯމް ޕާޓީއެއްވެސް ބޭއްވިއެވެ.
ފޮޓޯ:އުރީދޫ
ފަން ރަންގައި ނައިބު ރައީސް ހުސައިން މުހައްމަދު ލަތީފާއި އުރީދޫ މޯލްޑިވްސްގެ މެނޭޖިން ޑިރެކްޓަރު އަދި ސީއީއޯ ހާލިދްއަލް ހަމާދީ އާއި އެ ކުންފުނީގެ އިސްވެރިން ބައިވެރިވެވަޑައިގަތެވެ.
ފޮޓޯ: އުރީދޫ
އަންނަ އަހަރު، ފަން ރަން ފުވަމުލައް އެޑިޝަނެއް ބާއްވާން އުރީދޫއިން އިއްޔެ ވަނީ އިއުލާނުކޮށްފައެވެ.
