ނެޝަނަލް ޑިޒާސްޓަ މެނޭޖްމަންޓް އޮތޯރިޓީ (އެންޑީއެމްއޭ) ގެ ޗީފް އެގްޒެކެޓިވް ހިސާން ހަސަން ބުނީ އޭގެ ތެރެއިން އެއް ގެއެއްގައި ދިރިއުޅެމުންދިޔަ މީހުން ބަދަލުކުރުމުގެ މަސައްކަތް މޯލްޑިވްސް ރެޑް ކްރެސެންޓާ އެކު ކުރަމުން އަންނަ ކަމަށެވެ.
މިދިޔަ 24 ގަޑިއިރު ތެރޭގައި އެންމެ ގިނައިން ވާރޭ ވެހިފައިވަނީ މާލެއަށް ކަމަށް މޫސުމާބެހޭ އޮފީހުން ބުނެފައިވެ އެވެ. މާލޭގެ މަގުތަކުގައި ފެންބޮޑުވުމާ ގުޅިގެން ގިނަ އަދަދެއްގެ ގޭބިސީތަކުން ވެލިބަސްތާ ޖަހައިދިނުމަށް އެދިފައިވާތީ، 5،000 ވެލިބަސްތާ އެންޑީއެމްއޭ އިން ސިޓީ ކައުންސިލަށް ދޫކޮށްފައިވާ ކަމަށް ހިސާން ވިދާޅުވި އެވެ.
މޫސުމާބެހޭ އޮފީހުން ބުނީ ރާއްޖެއާ ކައިރި ދެ ސަރަހައްދެއްގައި އުފެދިފައިވާ ކޮޅިގަނޑެއްގެ ސަބަބުން ރާއްޖޭގެ އެކި ހިސާބުތަކަށް މޫސުން ގޯސްވެފައިވާ ކަމަށެވެ. އަދި މޫސުން ގޯސްވުމުގެ ސަބަބުން ލިބިދާނެ ގެއްލުމަކަށް ދުރާލާ ރައްކާތެރިކަމުގެ ފިޔަވަޅު އެޅުމަށް އެ އޮފީހުން އިލްތިމާސްކޮށްފައިވެ އެވެ.
- މާލޭގެ ފަސް ގެއަކުން މީހުން ބަދަލުކުރަން ޖެހުނު
- 5،000 ވެލިބަސްތާ ސިޓީ ކައުންސިލަށް ދޫކޮށްފި
- މިދިޔަ 24 ގަޑިއިރު އެންމެ ގިނައިން ވާރޭވެހީ މާލެއަށް
- ރާއްޖެއާ ކައިރި ދެ ސަރަހައްދެއްގައި ކޮޅިގަނޑު އުފެދިފައި
- އަތޮޅުތަކުން އަދި އެއްވެސް ގެއްލުމެއް ރިޕޯޓުކޮށްފައި ނުވޭ
