އޭދަފުށީގެ ހަމްޒާ އަދި ސައްޓު
ބޮޑު ސިންގާ މާލެ ސިޓީ ބަލިކޮށް، ނަން މަޝްހޫރު އޭދަފުށި ފައިނަލަށް
ސްޕޯޓްސް ޓީމް
21 ޑިސެމްބަރ 2024 - 18:41:07
ގޯލްޑްކަޕްގެ ސެމީ ފައިނަލްގެ ފުރަތަމަ މެޗު ކާމިޔާބުކޮށް، ފައިނަލްގެ ފުރަތަމަ ޖާގަ، ނަން މަޝްހޫރު އޭދަފުށިން ހޯދައިފިއެވެ.
Advertisement
ސެމީ ފައިނަލްގައި ބޮޑު ސިންގާ މާލޭގެ މައްޗަށް އޭދަފުށިން ކުރި ހޯދީ ތިން ލަނޑު ދެ ލަނޑުންނެވެ. މިއީ މި މުބާރާތުގައި އޭދަފުށިން މާލެ ބަލި ކުރި ދެވަނަ ފަހަރެވެ. ގުރޫޕް ސްޓޭޖުގައި އޭދަފުށިން މާލެ ބަލިކުރީ ދެ ލަނޑު ސުން ލަނޑުންނެވެ. ކުރިންވެސް ބެލެވުނުހެން އޭދަފުށީ ފެނުނީ މާ ވަރުގަދަކޮށެވެ.
މިއަދު ހަވީރު ކުޅުނު ސެމީ ފައިނަލްގައި އޭދަފުށީގެ ޓީމުގެ ފުރަތަމަ ދެ ލަނޑު ޖެހީ ގައުމީ ޓީމުގެ މުހިއްމު ކުޅުންތެރިޔާ ހަމްޒާ މުހައްމަދު (ހަމްޕް) އެވެ. މިއަދުގެ ފުރަތަމަ 11 ގައި ހިމެނިގެން އަމިއްލަ ރަށު ޓީމަށް އޭނާ ކުޅުނު ފުރަތަމަ މެޗެވެ. އެ ޓީމުގެ ތިންވަނަ ލަނޑު ޖެހީ އިޝާން އިބްރާހިމް (ސައްޓު) އެވެ.
ދެވަނަ ސެމީ ފައިނަލުގައި މިރޭ ނުކުންނާނީ ރ. އަލިފުއްޓާއި އައްޑޫ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
