Advertisement

ފެމިލީ ކޯޓުން އާންމުކުރި ތަފާސް ހިސާބުތަކުން ދައްކާ ގޮތުގައި 2020 ވަނަ އަހަރަކީ ފާއިތުވީ ހަ އަހަރު ދުވަހުން އެންމެ މަދުން ވަރިކުރި އަހަރެވެ. 

މިގޮތުން އެ އަހަރު ޖުމުލަ 928 ވަރި އެވެ. 2020 ވަނަ އަހަރު ވަރިއާއި ކައިވެނި މަދުވެފައިވަނީ ކޮވިޑް-19 އާ ގުޅިގެން ކަމަށް ފެމިލީ ކޯޓުން ބުންޏެވެ.

ފެމިލީ ކޯޓުން ބުނީ 2018 އިން 2023 އަށް ޖުމުލަ 7،099 ވަރި ކޮށްދީފައިވާ ކަމަށެވެ. އަދި މި މުއްދަތުގައި އެންމެ ގިނައިން ވަރިކުރީ 2022 ވަނަ އަހަރު ކަމަށާއި އެއީ 1،346 ވަރި ކަމަށެވެ.

ކައިވެނީގެ ރެކޯޑުތަކަށް ބަލާއިރު، މި މުއްދަތުގައި ޖުމުލަ 13،777 ކައިވެނި ކޮށްދީފައިވެއެވެ. އެންމެ މަދުން ކައިވެނި ކުރީވެސް 2020 ވަނަ އަހަރުއެވެ. އެއީ 1،995 ކައިވެންޏެވެ. އެންމެ ގިނައިން ކައިވެނި ކުރީ 2022 ވަނަ އަހަރުއެވެ. އެއީ 2،514 ކައިވެނި ކަމަށް ކަމަށް ފެމިލީ ކޯޓުން ބުންޏެވެ.