ރިއާލުން މުހިއްމު ތިން ޕޮއިންޓް ހޯދީ، ސެވިއްޔާ އަތުން މޮޅުވެގެންނެވެ. ހަތަރު ލަނޑު ދެ ލަނޑުން ސެވިއްޔާ އަތުން ރިއާލް މޮޅުވިއިރު، ލީގުގައި ބާސެލޯނާ އެންމެ ފަހުން ކުޅުނު މެޗުންވަނީ ބަލިވެފައެވެ. ބާސާ ބަލިކޮށް އެތުލެޓިކޯ މެޑްރިޑުން އެއްވަނައަށް އެރިއިރު، ބާސާ ބަލިވުމުގެ އެޑްވާންޓޭޖާއެކު ރިއާލް އޮތީ ދެވަނައިގައެވެ.
އެތްލެޓިކޯ އެއްވަނައިގައި އޮތީ 18 މެޗުން 41 ޕޮއިންޓާ އެކު އެވެ. ރެއާލުން ދެ ވަނަ އަށް ޖެހިލީ 18 މެޗުން 40 ޕޮއިންޓް ހޯދައިގެންނެވެ. ބާސެލޯނާ، ތިން ވަނައިގައި އޮތީ، 19 މެޗުން 38 ޕޮއިންޓާ އެކު އެވެ.
އަމިއްލަ ދަނޑުގައި ސެވިއްޔާ އަތުން މޮޅުވި މެޗުގައި ރިއާލްގެ ފުރަތަމަ ލަނޑު ޖެހީ، ކީލިއަން އެމްބާޕޭއެވެ. މިއީ، މި ފަހަރުގެ ލީގުގައި އެމްބާޕޭ ޖެހި 10 ވަނަ ގޯލެވެ. ރެއާލްގެ ދެ ވަނަ ލަނޑު ޖެހފެޑެރީކޯ ވަލްވޭޑޭ އެވެ. ތިންވަނަ ލަނޑު ރޮޑްރިގޯ ޖެހިއިރު ފަހު ލަނޑު ޖެހީ ބްރާހިމް ޑިއާޒް އެވެ.
