ads
ޕީއެސްއެމްގެ ޗެއާޕާސަން ކަމަށް، އާމިނަތު ނަމްޒާ
ޕީއެސްއެމްގެ ޗެއާޕާސަން ކަމަށް ނަމްޒާ އައްޔަންކޮށްފި
ޕަބްލިކް ސާވިސް މީޑިއާ (ޕީއެސްއެމް)ގެ ޗެއާޕާސަން ކަމަށް، އާމިނަތު ނަމްޒާ މިއަދު އައްޔަންކޮށްފި އެވެ.
Advertisement

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން އެކްސްގައި ކުރި ޕޯސްޓެއްގައި ބުނީ ޕީއެސްއެމްގެ ޑިރެކްޓަރުންގެ ބޯޑުގެ މެންބަރުކަމަށާއި ޗެއާޕާސަން ކަމުގެ މަގާމަށް، ނަމްޒާ އައްޔަން ކޮށްފައިވާ ކަމަށެވެ.

ނަމްޒާ މީގެކުރިން ހުންނެވީ ލޯކަލް ގަވަމެންޓް މިނިސްޓްރީގެ ޑެޕިއުޓީ މިނިސްޓަރުގެ މަގާމުގަ އެވެ.

ޕީއެސްއެމްގެ ޗެއާޕާސަންއަކަށް އެންމެ ފަހުން ހުންނެވީ އިބްރާހިމް ހިލްމީއެވެ.  

ޕީއެސްއެމްގެ މެނޭޖިން ޑިރެކްޓަރަކަށް އެ ތަނުގެ ސޭލްސް އެންޑް މާކެޓިންގެ ވެރިޔަކަށް މިހާތަނަށް ހުންނެވި އިބްރާހިމް ނަސްރީން (ނައްޓު) ވެސް ވަނީ އައްޔަންކޮށްފަ އެވެ.

ދައުލަތުގެ މީޑިއާ ހިންގަން ނަސްރީން ހަމަޖެއްސެވީ، އެ މަގާމުގައި ހުންނެވި މުހައްމަދު ސައީދު މިދިޔަ އަންގާރަ ދުވަހު އިސްތިއުފާ ދެއްވުމުންނެވެ. 

މަގާމަށް އައްޔަންކުރެއްވިތާ ހަތަރު މަސް ވާން އުޅެނިކޮށް ސައީދު ވަކިވެވަޑައިގަތީ ސިއްހީ ސަބަބުތަކާ ހެދި އެވެ.


0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް