އެންޑީއެމްއޭ އިން ބުނީ އަލިފާނުގެ ހާދިސާއާ ގުޅިގެން އެ ސަރަހައްދުގެ ތިން އިމާރާތެއްގެ ހަތް ގޭބިސީއަކުން 29 މީހުން ވަގުތީ ހިޔާވަހިކަމަށް ބަދަލުކުރި ކަމަށެވެ. އޭގެ ތެރޭގައި ހިމެނެނީ 15 ފިރިހެނުންނާއި 14 އަންހެނުންނެވެ.
އެންޑީއެމްއޭ އިން އިތުރަށް ބުނީ، ވަގުތީ ހިޔާވަހިކަމަށް ބަދަލުކުރި މީހުންގެ ތެރެއިން ފަސް މީހުން މި މަހުގެ 19 ވަނަ ދުވަހު އެމީހުންގެ އަމިއްލަ ގެއަށް ބަދަލުކުރި ކަމަށާއި، ބާކީ ތިބި މީހުން އިއްޔެ އެމީހުންގެ އަމިއްލަ ގެތަކަށް ބަދަލުކުރި ކަމަށެވެ. އަދި ހުރިހާ ގެއެއްގެ މަރާމާތަށް އުސޫލުގެ ތެރެއިން އެހީ ދިނުމަށްފަހު ކަމަށްވެސް ބުންޏެވެ.
މި މަހުގެ 12 ވަނަ ދުވަހު ހިނގި އަލިފާނުގެ ހާދިސާގައި ގެދޮރުވެރިކަމާއި ބިމާއި އުމްރާނީ ތަރައްގީއާ ބެހޭ މިނިސްޓްރީއާއި، އިމާރާތްކުރުމާއި ބިނާއާ ބެހޭ މިނިސްޓްރީއާއި މޫސުމީ ބަދަލުތަކާއި ތިމާވެށްޓާއި ހަކަތައާބެހޭ މިނިސްޓްރީ ހިންގަމުންދިޔަ އިމާރާތް ވަނީ ބޭނުން ނުކުރެވޭ ވަރަށް އަނދައި ހުލިވެފައެވެ. މި ތިން މިނިސްޓްރީގެ ހިދުމަތްތައް މިހާރު ދެމުން ގެންދަނީ ދަރުބާރުގެއިންނެވެ.
