މިކަން މިހެން ހިނގާފައިވާ ކަމަށް ނެޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފި އެވެ.
އެންޑީއެމްއޭ އިން ބުނި ގޮތުގައި ގެއްލުން ލިބުނު ގިނަ ތަކެއްޗަކީ ގޭގައި ހިފައިގެން ގުޅޭ ތަކެއްޗެވެ. އަދި ސީލިންގ ފަދަ ތަންތަނަށް ވެސް ވަނީ ގެއްލުން ލިބިފަ އެވެ. މި ގެއްލުންތައް ހިސާބު ކުރުމާއި އިތުރަށް ކަށަވަރު ކުރުމުގެ މަސައްކަތް ދަނީ ކުރަމުންނެވެ.
ވިއްސާރައިގެ ސަބަބުން އެކި ފަރާތްތަކުގެ ހޮޓްލައިންތަކަށް ޖުމުލަ 98 ގުޅުން ލިބުނެވެ. އޭގެ ތެރޭގައި ވެލި ބަސްތާ ޖެހުމަށް 70 ގުޅުމާއި، ގެއްލުން ރިޕޯޓު ކުރުމަށް 21 ގުޅުން އަދި ކުއްލި އެހީއަށް އެދި ހަތް ގުޅުން ހިމެނެ އެވެ.
އެންޑީއެމްއޭ އިން ބުނި ގޮތުގައި ވަގުތީ ބޯހިޔާވަހިކަން ބޭނުންވި އަށް ގޭބިސީއެއްގެ 32 މީހުންނަށް އެއް ދުވަހުގެ މުއްދަތަށް ވަގުތީ ހިޔާވަހިކަމާއި ކެއުން ބުއިން ހަމަޖައްސައިދިނެވެ. މިހާރު އެ އާއިލާތައް ވަނީ އާންމު ހާލަތަށް ރުޖޫއަވެފަ އެވެ.
