އޮންލައިންކޮށް ފަހިވޯޓް މެދުވެރިކޮށް ބޭއްވި މި ބައްދަލުވުމުގައި ކުންފުނީގެ ޑެޕިއުޓީ ޗެއަރޕާސަން އަހުމަދު އަބްދުއްރަހުމާން ރިޔާސަތު ބެލެހެއްޓެވިއެވެ. މި ބައްދަލުވުމުގައި 16 ހިއްސާދާރުންނާއި ޕްރޮކްސީ މެދުވެރިކޮށް ތިން ހިއްސާދާރުން ބައިވެރިވިއެވެ.
ދިރާގުގެ ސީއީއޯ އަދި އެމްޑީ އިސްމާއިލް ރަޝީދު ވިދާޅުވީ މިއަހަރުގެ ތިން ކުއާޓަރުގައި ކުންފުނީގެ އާމްދަނީ 129 މިލިއަން ރުފިޔާއިން އިތުރުވެފައިވާ ކަމަށެވެ. މިއީ 6.6 ޕަސަންޓުގެ ކުރިއެރުމެކެވެ. އަދި މި މުއްދަތުގައި ކުންފުނީގެ ޖުމުލަ އާމްދަނީ 2.1 ބިލިއަން ރުފިޔާއަށް އަރާފައިވާއިރު، ސާފު ފައިދާ 36 މިލިއަން ރުފިޔާއިން އިތުރުވެ 700 މިލިއަން ރުފިޔާއަށް އަރާފައިވެއެވެ.
އިސްމާއިލް ރަޝީދު އިތުރަށް ވިދާޅުވީ ދިރާގުގެ ފައިބާ ނެޓްވޯކް މިހާރު ރާއްޖޭގެ 98 ޕަސަންޓު ގޭބިސީތަކަށް ފޯރުކޮށްދެވިފައިވާ ކަމަށެވެ. އަދި ވޭތުވެދިޔަ ތިން އަހަރު ވެސް ދިރާގަކީ ރާއްޖޭގެ އެންމެ ބާރު މޮބައިލް ނެޓްވޯކް ކަމަށް އޫކްލާއިން ވަނީ ކަނޑައަޅާފައެވެ.
- 19 ހިއްސާދާރުން ބައްދަލުވުމުގައި ބައިވެރިވި
- ކުންފުނީގެ އާމްދަނީ 6.6 ޕަސަންޓު އިތުރުވި
- ސާފު ފައިދާ 700 މިލިއަން ރުފިޔާއަށް އަރާފައި
- ފައިބަރ ނެޓްވޯކް 98 ޕަސަންޓު ގޭބިސީއަށް ފޯރުކޮށްދެވިފައި
- އެސްއެމްޑަބްލިއު 6 ކޭބަލް ރާއްޖެއާ ގުޅާލެވިފައިވޭ
