އެހީއަށް އެދުނި 40 ރައްޔިތުންނަކީ އިންޑިއާގެ އޮޑިޝާ ސްޓޭޓްއަށް ނިސްބަތްވާ ރައްޔިތުންނެވެ.
ކޮންސްޓްރަކްޝަން ކުންފުންޏެއްގައި މަސައްކަތްކުރާ މި މަސައްކަތްތެރިންނަށް ބޮޑެތި ދަތިތަކެއް ކުރިމަތިވެފައިވާ ކަމަށް ރިޕޯޓްތައް ބުނާއިރު، އެ މަސައްކަތްތެރިންނަށް އެހީވެ، ސަލާމަތްކޮށްދިނުމަށް އެދި އެމީހުން ވަނީ ވީޑިއޯއެއް މެދުވެރިކޮށް އިންޑިއާ ސަރުކާރަށް ގޮވާލާފައެވެ.
ފައިދާހުރި ވަޒީފާގެ ފުރުސަތުތައް ޕްރޮމޯޓްކުރާ އޭޖެންޓެއް މެދުވެރިކޮށް ޖޫން-ޖުލައި މަހު ރާއްޖެއަށް ހިޖުރަކޮށް އެކަމުގެ އަސަރު ކުރި މަސައްކަތްތެރިން ބުނަނީ މުސާރަ ނުލިބޭތާ އެތައް މަހެއް ވެއްޖެ ކަމަށެވެ.
އެމީހުން "ނޮން ޕޭމްނެޓް އޮފް ޑިއުސް" އާ ދެކޮޅަށް މުޒާހަރާ ކުރާއިރު ކުންފުނިން ބަންދުކޮށް ބިރުދައްކައިގެން އުޅޭ ކަމަށް ތުހުމަތު ކުރޭ ކަމަށްވެސް ބައެެއް އިންޑިއާގެ މީޑިއާތަކުން ރިޕޯޓްކުރެ އެވެ. އަދި އުޅޭ ތަނުގެ ކަރަންޓުވެސް ކަނޑާލާފައިވާކަމަށް އެ މަސައްކަތްތެރިން ބުނެ އެވެ.
ރާއްޖޭގައި ހާލުގައި ޖެހިފައހުރި އެ 40 އިންޑިއާ ރައްޔިތުން ގެ ތިމާގެ މީހުން އިއްޔެގެ ވަގުތެއްގައި ވަނީ އެރަށުގެ ޑިސްޓްރިކްޓް ލޭބާ އޮފިސަރާ ބައްދަލުކޮށްފަ އެވެ. އޮފިސަރު ވަނީ ތަހުގީގަށްފަހު ސަރުކާރަށް އަންގާގެން އެކަށީގެންވާ ފިޔަވަޅު އަޅާނެކަަމަށް ބުނެފަ އެވެ.
ދިވެހި ކުންފުންޏަކުން ގެނައި ބައެއް ކަމަށް އިންޑިއާ ނޫސްތަކުގައި ރިޕޯޓް ކުރި ނަމަވެސް އެ ކުންފުނީގެ ނަމެއް އަދި އެމީހުން ތިބި ތަނެއް ނޫސްތަކުގައި ބުނެފައެއް ނުވެ އެވެ.
ރާއްޖެއަށް ބިދޭސީ މަސައްކަތްތެރިން ގެނެސް ގަވައިދުން މުސާރަ ނުދޭ މައްސަލަތައް ދޭތެރެދޭތެރެއިން ފެންމަތިވެ އެވެ.
