ads
އެޗްޑީސީގެ މޭނޭޖިން ޑިރެކްޓަރު ފަޒުލް ރަޝީދު
ފަޒުލް ދިރިއުޅޭގެ ރެއިޑްކޮށްފި
ހުޅުމާލޭން ވަގަށް ގޯތި ދޫކުރި މައްސަލައިގައި ތުހުމަތު ކުރެވޭ، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ކުރީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ދިރިއުޅޭ ގެ، މ. ޒޭވަރު ރޭގަނޑުގެ ވަގުތެއްގައި ފުލުހުން ރެއިޑްކޮށްފި އެވެ.
Advertisement

ފުލުހުން އެ ގެއަށް ވަދެ ގިނަ އިރުތަކެއް ވަންދެން ހަރަކާތްތެރިވި އެވެ. ނަމަވެސް އެ ތަނުން އެއްވެސް ލިޔެކިޔުމެއް ނުވަތަ ހެކީގެ ގޮތުގައި ބޭނުން ކުރެވޭނެ އެއްޗެއް ގެންދިޔަ ކަމެއް އެނގިފައެއް ނުވެ އެވެ.

ބިންވެރިޔާ ސްކީމުގެ ދަށުން ގޯތި ނުލިބޭ ބަޔަކަށް ހުޅުމާލޭން ވަގަށް ގޯތި ދޫކުރި މައްސަލައިގައި އެންމެ ބޮޑު ތުހުމަތެއް ކުރެވެނީ ފަޒުލްއަށެވެ. މި މައްސަލައިގައި ހިމެނޭ ގޯތިތަކުގެ ތެރެއިން އެއް ގޯތީގެ ވެރިފަރާތް ކަމަށް ވަގު ލިޔެކިޔުންތަކެއް ހުށަހެޅި ކަމަށް ތުހުމަތު ކުރެވެނީ އޭނާގެ ބޭބެ އަދި މިހާރު ސަސްޕެންޝަނުގައި ހުރި އެމްޑަބްލިޔުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދަށެވެ.

މި މައްސަލައިގެ އިތުރުން އެޗްޑީސީގައި ހުރެ މަގާމުގެ ނުފޫޒު ބޭނުންކޮށްގެން އިތުރު ހިޔާނާތްތަކެއް ހިންގި ކަމަށާއި ވިޔަފާރިވެރިންގެ އަތުން ފައިސާ ނަގައިގެން އަމިއްލަ ފައިދާއަށް މަސައްކަތް ކުރި ކަމުގެ ތުހުމަތު ވެސް ފަޒުލްއަށް ކުރެވެ އެވެ. މިކަން ފާހަގަކޮށް އެޗްޑީސީގެ ކުރީގެ ޗެއަރޕާސަން އަހުމަދު ޒުހޫރު ވަނީ ރައީސް އޮފީހަށް ސިޓީއެއް ފޮނުވާފައެވެ.

0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް