މިހާތަނަށް 9 މީހަކު ޖޫރިމަނާ ކޮށްފައިވެއެވެ. ދުންފަތް ކޮންޓްރޯލް ކުރުމުގެ ގާނޫނަށް ގެނެވުނު އިސްލާހާ ގުޅިގެން، ވޭޕް ބޭނުންކުރާ މީހުން 5،000 ރުފިޔާއިން ޖޫރިމަނާ ކުރެވޭނެއެވެ. އަދި ވޭޕް ވިއްކާ ފަރާތްތައް 20،000 ރުފިޔާއިން ޖޫރިމަނާ ކުރެވޭނެއެވެ. މީގެ އިތުރުން ވިއްކާ ކޮންމެ ވޭޕަކަށް 10،000 ރުފިޔާއިން ޖޫރިމަނާ ކުރެވޭނެއެވެ.
ފުލުހުން ބުނާ ގޮތުގައި ސައިކަލު ދުއްވަމުން ވޭޕް ބޭނުންކުރި މީހަކު ވަނީ 10،000 ރުފިޔާއިން ޖޫރިމަނާ ކޮށްފައެވެ. އަދި ގާނޫނާ ހިލާފުވާ ފަރާތްތަކަށް ފޯނު މެސެޖަކުން ޖޫރިމަނާގެ މައުލޫމާތު އަންގާނެކަމަށް ފުލުހުން ބުނެފައިވެއެވެ.
ދުންފަތުގެ އިސްތިއުމާލު މަދުކުރުމަށް ސަރުކާރުން އެކުލަވާލާފައިވާ މާސްޓާ ޕްލޭންގެ ދަށުން، ސިނގިރެޓުގެ އިމްޕޯޓް ޑިއުޓީ ބޮޑުކޮށް، އަދި ދުންފަތުގެ އިސްތިއުމާލު ހުއްޓާލަން ބޭނުންވާ ފަރާތްތަކަށް އެހީތެރިވުމަށް 1676 ނަންބަރުގެ ހޮޓްލައިނެއް ވަނީ ތައާރަފުކޮށްފައެވެ.
