ގޯލްޑްކަޕްގެ ފައިނަލް މެޗު މިހާރު ކުޅެވެމުންދާއިރު، މެޗުގެ ޝަރަފުވެރި މެހެމާނީ ރައީސް ޑރ. މުހައްމަދު މުއިއްޒުއެވެ. މީގެ ކުރިން މެޗެއް ބައްލަވާލެއްވުމަށް ރައީސްގެ އަނބިކަނބަލުން ސާޖިދާ މުހައްމަދުވެސްވަނީ ދަނޑަށް ވަޑައިގެންފައެވެ.
ނާއިބު ރައީސް ވިދާޅުވީ، ގޯލްޑްކަޕް ފުޓްބޯޅަ މުބާރާތާއެކު ދިވެހި ފުޓުބޯޅައިގެ ފޯރި އަލުން އާވެގެން ހިނގައްޖެ ކަމަށާއި މިރޭ ކުޅޭ ގޯލްޑް ކަޕްގެ ފައިނަލް މެޗުގައި ވާދަކުރާ، އައްޑޫ ސިޓީ އަދި އޭދަފުށި ދެ ޓީމަށް ކާމިޔާބީއަށް އެދިވަޑައިގަންނަވާ ކަމަށެވެ.
ނައިބު ރައީސް ވިދާޅުވީ މި މުބާރާތާއެކު ދިވެހި ފުޓުބޯޅައިގެ ފޯރި އަލުން އާވެގެން ހިނގައްޖެ ކަމަށާއި، މުބާރާތް ކުރިއަށްދިޔައިރު، ސަޕޯޓު ކުރުމުގައި އެކި ރަށްރަށުގެ ރައްޔިތުން ދެއްކި ނަމޫނާ އާއި ރަށު ލޯބި ފާހަގަ ކުރައްވާ ކަމަށެވެ.
ގޯލްޑްކަޕާއެކު މުޅި ރާއްޖެ ތަމްސީލްވާ ގޮތައް ހޯމް އެންޑް އަވޭ އުސޫލުން ގައުމީ ލީގެއް ފެށުމުގެ މުހިއްމުކަމުގެ އަޑުތައް އާއްމުންގެ ތެރޭގައިވަނީ ގަދަވެފައެވެ. ގޯލްޑްކަޕާއެކު މުޅި ރާއްޖެ ތަމްސީލްވާ ގޮތައް ހޯމް އެންޑް އަވޭ އުސޫލުން ގައުމީ ލީގެއް ފެށުމުގެ މުހިއްމުކަން ބޮޑު ކަމަށް ގިނަ ބަޔަކު ދެކެއެވެ. ގިނަ ބަޔަކު ގަބޫލު ކުރާ ގޮތުގައި ގައުމީ ލީގު ޕްރައިވެޓައިޒް ކުރުމަށް ފަހު ލީގު ހިންގުމުގެ ހުރިހާ ރައިޓްސްއެއް ހިންގާ ފަރާތްތަށް ދިނުން މުހިއްމެވެ.
މިއީ އެފްއޭއެމްގެ ހިންގުމުގައި ހުރިހާ ޒޯނެއް ނުވަތަ ސަރަހައްދެއް ބައިވެރި ކުރެވޭނެ ނިޒާމެއް އުފަން ކުރުވަންވީ ވަގުތު ކަމަށް ގިނަ ބަޔަކު ދެކެއެވެ.
