މި ނޫސްބަޔާން ނެރުނީ އެ މިނިސްޓްރީގެ ސްޓޭޓް މިނިސްޓަރު މުހައްމަދު ނިހާދު ސަސްޕެންޑް ކުރުމާ ގުޅިގެންނެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން ޓޫރިސްޓުންނަށް އަމާން އަދި މަގުބޫލު މަންޒިލެއްގެ ގޮތުގައި ރާއްޖެ ދެމެހެއްޓުމަށް ގިނަ މަސައްކަތްތަކެއް ކުރަމުންދާކަން ޓޫރިޒަމް މިނިސްޓްރީން ބުންޏެވެ. އަދި މި ސިނާއަތުގެ ހުރިހާ ފަރާތްތަކާއެކު ގުޅިގެން ކޮންމެ ޓޫރިސްޓަކަށްވެސް ފުރިހަމަ މެހެމާންދާރީއެއް ފޯރުކޮށްދިނުމަށް މަސައްކަތްކުރަމުންދާ ކަމަށްވެސް އެ މިނިސްޓްރީން ބުންޏެވެ.
މިއަހަރުގެ ފެބްރުއަރީ މަހު 217،392 ޓޫރިސްޓުން ރާއްޖެއަށް ޒިޔާރަތްކޮށްފައިވާއިރު، އެއްދުވަހެއްގެ ތެރޭގައި އެންމެ ގިނަ ޓޫރިސްޓުން ރާއްޖެއަށް އައިސްފައިވަނީ ފެބްރުއަރީ 10 ވަނަ ދުވަހު ކަމަށާއި، އެދުވަހު 10،213 ޓޫރިސްޓުން ރާއްޖެއަށް ޒިޔާރަތްކުރި ކަމަށް އެ މިނިސްޓްރީން ހާމަކުރިއެވެ. މި ތަފާސްހިސާބުތަކުން ދައްކުވައިދެނީ ރާއްޖެއަށް މިލިއަނުން ޓޫރިސްޓުން ކުރާ އިތުބާރު ކަމަށް އެ މިނިސްޓްރީން ބުންޏެވެ.
- ޓޫރިޒަމް މިނިސްޓްރީގެ ސްޓޭޓް މިނިސްޓަރު މުހައްމަދު ނިހާދު ސަސްޕެންޑް ކުރެވުނު
- ރާއްޖެއަކީ ޓޫރިސްޓުންނަށް އަމާން މަންޒިލެއްކަން އަލުން ކަށަވަރުކޮށްދިން
- ފެބްރުއަރީ މަހު 217،392 ޓޫރިސްޓުން ރާއްޖެއަށް ޒިޔާރަތްކުރި
- އެއްދުވަހެއްގެ ތެރޭގައި އެންމެ ގިނަ ޓޫރިސްޓުން (10،213) އައީ ފެބްރުއަރީ 10 ގައި
- ދެމިލިއަން ޓޫރިސްޓުންގެ އަމާޒާ ގާތަށް ދަތުރުކުރަމުންދޭ
