ފުލުހުން މައުލޫމާތުދޭ ގޮތުގައި އިއްޔެގެ ވަގުތެއްގައި މި ހާއްސަ އޮޕަރޭޝަން ފަށާފައިވަނީ ޑްރަގް އެންފޯސްމަންޓް، ހުޅުމާލޭ ޕޮލިސް، މެރިން ޕޮލިސް އަދި ކ. އަތޮޅު ޕޮލިސް ސްޓޭޝަން ތައް ގުޅިގެންނެވެ.
މި ހާއްސަ އޮޕަރޭޝަންގެ ތެރޭގައި ހުޅުމާލޭ ފަޅުތެރޭ ޕެޓްރޯލް ކުރުމާއި، ރަށުތެރެއަށް ބަނގުރާ އަރުވައި ، ބަނގުރާ ވިއްކާކަމަށް ޝައްކުކުރެވޭ ކެފޭ ، ރެސްޓޯތަންޓްތައް މޮނީޓާކޮށް ، ގާނޫނާއި ގަވައިދާ ހިލާފުވާ ފަރާތްތަކާ މެދު ފިޔަވަޅު އެޅުމުގެ މަސައްކަތް ކުރަމުން ގެންދާނެކަމަށްވެސް ފުލުހުން ބުނެއެވެ.
ބަނގުރަލުގެ ވަގު ވިޔަފާރި ހުއްޓުމަށްޓަކައި ކަމާ ގުޅުންހުރި ފަރާތްތަކާއެކު ސަފާރީތަަކަށް އަމާޒުކޮށްގެން މަސައްކަތްތަކެއް ކުރެވެމުންދާކަމަށްވެސް މީގެ ކުރިން ފުލުހުން ވަނީ ބުނެފައެވެ. އެގޮތުން ޓޫރިޒަމް މިނިސްޓްރީ، ކަސްޓަމްސް އަދި ފުލުހުން ހިމެނޭގޮތަށް އިނސްޕެކްޝަންސްތައް ބާއްވާ މިހާތަަނަށް 57 ސަފާރިއެއް ބަލާ ފާސްކޮށްފައިވާނެ ކަަމަށް ޑްރަގް އެންފޯސްމަންޓްގެ ހެޑް ވިދާޅުވި އެވެ.
މަސްތުވާތަކެތީގެ މައްސަލަ ހައްލުކުރުމަށް ސަރުކާރުން މިހާރު ވަނީ މަޖިލީހަށް 89 އިސްލާހެއް ހުށަހަޅާފައެވެ. ރަާއްޖޭގެ މިހާރުގެ މަސްތުވާތަކެތީގެ ގާނޫނު އޮންނަ ގޮތުންނަމަ ދެވޭ އަދަބަކީ އުމުރަށް ޖަލުގައި ބަންދުކޮށް، 100،000 ރުފިޔާއިން ފެށިގެންގޮސް 10 މިލިއަން ރުފިޔާގެ އަދަދަކަށް ޖޫރިމަނާކުރުމެވެ.
މަސްތުވާތަކެތި އެތެރެކުރާ މީހުންނަށް މަރުގެ އަދަބު ދޭވޭނެ ގޮތަށް ގާނޫނަށް ބަދަލުގެންނަށް ނިންމައި، އެ އަދަބު ދޭން ޑްރާފްޓް ބިލްގައި މިހާރު ވަނީ ހިމަނާފައެވެ.
ޑަބްލިއުއެޗްއޯގެ ރިޕޯޓެއްގައި ވާގޮތުން 2019 އިން 2021 އަށް ރާއްޖޭގައި މަސްތުވާތަކެތި ވިއްކުން ވަނީ 47 ޕަސަންޓު އިތުރުވެފަ އެވެ. އަދި ރާއްޖެއަށް އެތެރެކުރާ މަސްތުވާތަކެތި 30 ޕަސަންޓު އިތުރުވެފައިވާ ކަން ތަފާސް ހިސާބުތަކުން ދައްކައެވެ.
