Container akun 582 KG ge miyaraai madi mas fenijje

ހަބަރު / ސިޔާސީ

އެމްޕީއެލް ސަރަހައްދުގައި ހުރި ކޮންޓެއިނަރު ތަކެއް

ޮކަސްޓަމްސްއިން ފާސްކުރި ކޮންޓެއިނަރަކުން 582 ކިލޯގެ މިޔަރާއި މަޑިމަސް ފެނިއްޖެ

ގުފްތަގް އަޖީރު

25 ޑިސެމްބަރ 2024 - 20:28:59

ކަސްޓަމްސްއަށް ލިބުނު މައުލޫމާތަކާ ގުޅިގެން ފާސްކުރި ކޮންޓެއިނާއަކުން 582 ކިލޯގެ މިޔަރާއި މަޑިމަސް ފެނިއްޖެއެވެ.

މި ތަކެއްޗަކީ ރާއްޖެއިން ބޭރުކުރުން މަނާ ތަކެތި ކަމަށްވާތީ، މިދިޔަ އާދިއްތަ ދުވަހު ކ. ތިލަފުށީގައި ނައްތާލާފައިވާ ކަމަށް ކަސްޓަމްސްއިން ބުނެއެވެ.

ކަސްޓަމްސްއިން މައުލޫމާތު ދިން ގޮތުގައި މިއީ ނެތިދިއުމުގެ ބިރު ހީވެފައިވާ ދިރޭތަކެތީގެ ބައިނަލްއަގުވާމީ ވިޔަފާރި ކޮންޓްރޯލްކުރުމުގެ ގާނޫނުގެ ދަށުން ބޭރުކުރުން މަނާ ތަކެއްޗެވެ. އަދި މަސްވެރިކަމުގެ އާންމު ގަވާއިދުގެ ދަށުން މިފަދަ ތަކެތި ބޭރުކުރުމުގެ އިތުރުން ހިފުމާއި، ބޭނުމާއި، ނެގުމާއި، މެރުން ވެސް މަނާކަމެކެވެ.

މި މައްސަލައާ ގުޅިގެން އިތުރު ތަހުގީގުތައް ކުރިއަށްދާ ކަމަށް ކަސްޓަމްސްއިން ބުނެފައިވެއެވެ. އަދި މިފަދަ ގާނޫނާ ހިލާފު އަމަލުތައް ހުއްޓުވުމަށް ކަސްޓަމްސްއިން އަޅަންޖެހޭ ފިޔަވަޅުތައް އަޅަމުންދާނެ ކަމަށްވެސް ބުނެފައިވެއެވެ.