ރިޕޯޓްތައް ބުނާ ގޮތުން، ޖަނަވަރީގައި ޔުނައިޓެޑުން ބޭނުންނަމަ އެ ކްލަބަށް އޮސީމެން ދޫކޮށްލަން ނަޕޯލީންވަނީ ހުށަހެޅުމެއް ހުށަހަޅާފައެވެ.
މި ހުށަހެޅުމުގައި ޓްރާންސްފާ ފީއަކާއެކު ކުޅުންތެރިއެއް ބަދަލު ކުރުން ހިމެނޭ ކަމަށް ރިޕޯޓްތައް ބުނެއެވެ. ބެލެވޭ ގޮތުގައި ނަޕޯލީން ބޭނުންވަނީ މާކަސް ރަޝްފޯޑް، ރަސްމުސް ހޮއިލަންޑް ނުވަތަ ޖޯޝުއާ ޒިކްރިޒީއެވެ. މި ތިން ކުޅުންތެރިންނަކީވެސް ޔުނައިޓެޑުގެ އާ ކޯޗުގެ މާ ބޮޑު ޝައުގުވެރިކަމެއް ނެތް ކަމަށް ފެންނަ ކުޅުންތެރިންތަކެއް ކަމަށް ބައެއް ރިޕޯޓްތައް ބުނެއެވެ.
އެއް އަހަރު ދުވަހުގެ ލޯން އެއްބަސްވުމެއްގެ ދަށުން ގަލަތަސަރާއީއަށް ކުޅެމުން އަންނަ އޮސީމެން ފްރާންސްގެ ލީލް ދޫކޮށް ނަޕޯލީ އަށް ބަދަލުވީ 2020 ވަނަ އަހަރު އެވެ.
އޮސީމެން ވަނީ ނަޕޯލީ އަށް ކުޅެދިން 133 މެޗުގައި 75 ލަނޑު ޖަހައިފަ އެވެ. އެފްރިކާގެ އެންމެ މޮޅު ކުޅުންތެރިޔާގެ މަގާމް ހޯދާފައިވާ އޮސީމެންވަނީ އެ ކުލަބާ އެކު އިޓާލިއަން ލީގު ކާމިޔާބު ކޮށްފަ އެވެ.
