Thahugeegah ebbaarulun dhinumah muvazzafunnah minister angaifi

ހަބަރު / ހައުސިން، ލޭންޑް އެންޑް އާބަން ޑިވެލޮޕްމަންޓް މިނިސްޓްރީ

ޕެޓިޝަން ކޮމިޓީގެ ބައްދަލުވުމުގައި ހައުސިން މިނިސްޓަރު ޑރ. އަލީ ހައިދަރު: ވިދާޅުވީ ގެދޮރަށް އެންމެ ބޮޑަށް ބޭނުން ޖެހިފައިވާ މީހުންގެ ވެއިޓިން ލިސްޓެއް ހަދަން ނިންމާފައިވާ ކަމަށް - ފޮޓޯ:ރައްޔިތުންގެ މަޖިލިސް

ތަހުގީގަަށް އެއްބާރުލުން ދިނުމަށް މުވައްޒަފުންނަށް ހައުސިން މިނިސްޓަރު އަންގައިފި

ގުފްތަގް އަޖީރު

25 ޑިސެމްބަރ 2024 - 21:59:15

ބިންވެރިޔާ ސްކީމް މެދުވެރިކޮށް ނުހައްގުން ގޯތި ދޫކުރި މައްސަލައިގެ ތަހުގީގަށް ފުރިހަމަ އެއްބާރުލުން ދިނުމަށް ހައުސިންގ މިނިސްޓަރު ޑރ. އަލީ ހައިދަރު އެ މިނިސްޓްރީގެ މުވައްޒަފުންނަށް އަންގައިފި އެވެ.

މިނިސްޓަރު މުވައްޒަފުންނަށް ފޮނުވި މެމޯގައި ވަނީ ފުލުހުންގެ ތަހުގީގާ ގުޅުންހުރި އެއްވެސް ލިޔެކިޔުމެއް ނައްތާނުލުމަށާއި، އެއްވެސް ޑޭޓާއަކަށް ބަދަލު ނުގެނައުމަށް އަންގަވާފަ އެވެ. އަދި ތަހުގީގަށް ހުރަސްއެޅޭނެ އެއްވެސް ކަމެއް ނުކުރުމަށާއި، ތެދު މައުލޫމާތު ދިނުމަށް ވެސް އަންގަވާފައިވެ އެވެ.

މި މައްސަލައިގައި މިހާތަނަށް އެ މިނިސްޓްރީގެ 9 މުވައްޒަފަކު ވަނީ ސަސްޕެންޑް ކުރެވިފަ އެވެ. އޭގެ ތެރޭގައި ސްޓޭޓް މިނިސްޓަރުންނާއި، ޑެޕިއުޓީ މިނިސްޓަރުންނާއި ޕޮލިޓިކަލް ޑިރެކްޓަރުން ހިމެނެ އެވެ.

ފުލުހުން ބުނާ ގޮތުގައި މި މައްސަލައިގައި މިހާތަނަށް ތިން ގޯއްޗެއް ނުހައްގުން ދޫކޮށްފައިވާކަން ވަނީ ފާހަގަކުރެވިފަ އެވެ. މި މައްސަލަ ތަހުގީގު ކުރަމުންދަނީ ޕްރޮސެކިއުޓަރ ޖެނެރަލްގެ އެންގެވުމަކަށް އެންޓި ކޮރަޕްޝަން ކޮމިޝަނާއި ފުލުހުންނެވެ.