އެމްއެމްޕީއާރުސީގެ ބޮޑު ކޮރަޕްޝަން މައްސަލާގައި އޭސީސީގެ ކުރީގެ އިންވެސްޓިގޭޓިވް އޮފިސަރު އާޒިމާ ދެކޮޅަށް އުފުލާފައިވާ ދައުވާތައް ކޯޓުން ބޭރުކޮށްލީ މިދިޔަ މަހުގެ ތެރޭގަ އެވެ.
އެ މައްސަލަތައް ބޭރުކޮށްލީ ކްރިމިނަލް ކޯޓުގެ ގާޒީ ހުސެއިން ފާއިޒް ރަޝާދު އެވެ. މި މައްސަލަ ކޯޓުން ބޭރުކޮށްލުމުން، ދައުލަތުން އެ މައްސަލަ ހައިކޯޓުގައި އިސްތިއުނާފު ކުރުމުން، ހައިކޯޓުން ހުކުމް ކުރީ އެ މައްސަލަތައް އަލުން ބަލާށެވެ.
އާޒިމްއާ ދެކޮޅަށް އުފުލާފައިވާ ދައުވާ ބޭރުކޮށްލިއިރު، މުއައްސަސާތަކެއް ގުޅިގެން މައްސަލަ ތަހުގީގުކުރަން 'ޖޮއިންޓް އިންވެސްޓިގޭޝަން'އެއް ހިންގީ ގާނޫނާ ހިލާފަށް ކަމަށްވަނީ ކަނޑައަޅާފަ އެވެ. ޖޮއިންޓް އިންވެސްޓިގޭޝަންގައި ހިމެނުނީ އޭސީސީ އާއި ފުލުހުންގެ އިތުރަށް މިދިޔަ ސަރުކާރުން އެކުލަވާލި އެސެޓް ރެކަވަރީގެ ރިޔާސީ ކޮމިޝަންއެވެ.
އާޒިމްގެ މައްޗަށް ރިޝްވަތު ގަބޫލު ކުރުމާއި މަނީ ލޯންޑަރިންގެ ދައުވާކޮށްފައިވެ އެވެ. އެއީ ދެ ފަހަރު މަތިން އޭނާގެ އެކައުންޓަށް ފައިސާ ޖަމާކޮށް ފައިސާގެ އަސްލު އޮޅުވާލާފައިވާ ކަމުގެ ތުހުމަތުގައި އެވެ.
