ފެނަކައިން އިމާރާތްކުރަމުންދާ އިންޖީނު ގެއެއް
ފެނަކައިގެ މައްޗަށް އަނެއްކާވެސް އަށް މިލިއަންގެ ހުކުމެއް
އަހުމަދު ހަސަން
26 ޑިސެމްބަރ 2024 - 13:18:52
އަމިއްލަ ކުންފުންޏަކުން، އަތޮޅު ތެރޭގެ އެކި ރަށްރަށުގައި ކޮށްފައިވާ ފެނަކައިގެ މަސައްކަތްތަކަށް އަށް މިލިއަނެއްހާ ރުފިޔާ ދައްކަން ސިވިލް ކޯޓުން ހުކުމެއް ކޮށްފިއެވެ.
Advertisement
އެލްއެފް ކޮންސްޓްރަކްޝަން ކިޔާ ކުންފުންޏަކުން ފެނަކައާ ދެކޮޅަށް ދައުވާ ކުރި މި މައްސަލައިގައި، ހުކުމްކޮށްފައިވަނީ 15 ދުވަހުގެ ތެރޭގައި ގާތްގަނޑަކަށް އަށް މިލިއަނެއްހާ ރުފިޔާ ދައްކާށެވެ. މި މައްސަލައިގެ ހުކުމް ސިވިލް ކޯޓުން ބުދަ ދުވަހު އިއްވީ ފެނަކައިގެ ގައިރު ހާޒިރުގައެވެ.
ފެނަކައިން 8 މިލިއަނެއްހާ ރުފިޔާ ދައްކަން ކުރި މި ހުކުމަކީ، 2022 ވަނަ އަހަރުގެ މުއާމަލާތްތަކަކާ ގުޅޭ ހުކުމެކެވެ. އެންމެ 15 ދުވަހުގެ ތެރޭގައި އަށް މިލިއަނެއްހާ ރުފިޔާ ދައްކަން ފެނަކައިގެ މައްޗަށް ހުކުމެއް އިއްވާފައިވާއިރު، އެ ކުންފުނި ސަލާމަތް ނުކުރެވޭނެ ކަމަށް ވިދާޅުވެ، ކުންފުނީގެ މެނޭޖިން ޑިރެކްޓަރުވަނީ މިދިޔަ ހަފްތާގައި މަގާމުން އިސްތިއުފާ ދެއްވާފައެވެ. އެކަމަކު، ސަރުކާރުންވަނީ އެ މަގާމަށް އެހެން މީހަކު މިހާރު އައްޔަންކޮށްފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
