މި ފައިސާގެ އެއްބަސްވުމުގައި ސޮއިކުރެއްވީ ފިނޭންސް މިނިސްޓަރު މޫސާ ޒަމީރާއި އޭޑީއެފްޑީގެ ޑިރެކްޓަރު ޖެނެރަލް މުހައްމަދު ސައިފް އައްސުވައިދީއެވެ.
މި ލޯނަކީ 2017 ވަނަ އަހަރު މި މަޝްރޫއުގެ ފުރަތަމަ މަރުހަލާތަކަށް ދީފައިވާ 50 މިލިއަން އެމެރިކާ ޑޮލަރުގެ ލޯނަށް އިތުރުން ދޭ އަދަދެކެވެ. މި އެއްބަސްވުމުގެ ދަށުން ވެލާނާ އެއަރޕޯޓުގެ ހުޅަނގު ފަރާތުގެ ފަސިންޖަރުން ބޭނުންކުރާ ޓާމިނަލް ތަރައްގީކޮށް، 26 މަތިންދާބޯޓު ބޭއްވޭ ވަރަށް ބޮޑުކުރެވޭނެއެވެ.
ފިނޭންސް މިނިސްޓަރު މޫސާ ޒަމީރު ވިދާޅުވީ އޭޑީއެފްޑީގެ ފަންޑިން އަކީ ދުނިޔޭގެ ފެންވަރުގެ ހިދުމަތްތަކާއި ޓެކްނޮލޮޖީ ހިމެނޭ އިންޓަނޭޝަނަލް އެއަރޕޯޓެއް ގާއިމުކުރުމަށް ވަރަށް މުހިންމު އެހީތެރިކަމެއް ކަމަށެވެ. އަދި މިއީ ޓޫރިޒަމްގެ އާމްދަނީ އިތުރުކުރުމަށް ގައުމީ ލަނޑުދަނޑިތައް ހާސިލުކުރުމުގައި ވަރަށް މުހިންމު މަރުހަލާއެއް ކަމަށްވެސް ވިދާޅުވިއެވެ.
އާ ޓާމިނަލް އިމާރާތުގެ ސަބަބުން މިހާރު ހުރި ޓާމިނަލަށް ދިމާވެފައިވާ ޖާގައިގެ ދަތިކަން ހައްލުވެގެންދާނެއެވެ. އަދި އެފް އެންޑް ބީގެ ގިނަ އައުޓްލެޓްތަކާއި، ރީޓެއިލް ސްޕޭސްތަކާއި، ލައުންޖްތަކާއި އެހެނިހެން ހިދުމަތްތައް އެތަނުގައި ގާއިމުކުރެވޭނެއެވެ.
- އަބޫދާބީ ފަންޑުން 40 މިލިއަން ޑޮލަރުގެ ލޯނު އެހީ ދިނުމަށް ވަނީ ނިންމާފަ
- 2017 ގައި ދިން 50 މިލިއަން ޑޮލަރުގެ ލޯނަށް އިތުރުން ދޭ އަދަދެއް
- 26 މަތިންދާބޯޓު ބޭއްވޭ ވަރަށް އެއަރޕޯޓު ބޮޑުކުރެވޭނެ
- އާ ޓާމިނަލްގައި ގިނަ ވިޔަފާރި އައުޓްލެޓްތަކެއް ހިމެނޭނެ
- މިހާރު ހުރި ޓާމިނަލްގެ ޖާގައިގެ ދަތިކަން ހައްލުވެގެންދާނެ
