ބީއެމްއެލް ސްޕޯޓްސް ސްކޮލާޝިޕަކީ އެތުލީޓުންގެ ހުނަރު ކުރިއަރުވައި ފުރިހަމަ ކާމިޔާބީއަކަށް ވާސިލުވުމަށް އެހީތެރިވުމުގެ ގޮތުން ހުރިހާ ހަރަދަކާއެކު ރާއްޖޭން ބޭރުގެ ހައި ޕަރފޯމަންސް ޓްރެއިނިންގ ސެންޓަރުތަކުން ތަމްރީނު ހޯދުމަށް ފުރުސަތު ފަހިކޮށްދޭ ސްކޮލާޝިޕެކެވެ.
ބޭންކުން ބުނި ގޮތުގައި މޯލްޑިވްސް އޮލިމްޕިކް ކޮމިޓީ (އެމް.އޯ.ސީ) އާ ގުޅިގެން ހިންގާ މި ސްކޮލަރޝިޕް އަށް އެތުލީޓު ހޮވާފައި ވަނީ އެމްއޯސީ އިންނެވެ.
ބޭންކްގެ މި އަހަރުގެ ސްކޮލަޝިޕް ލިބުނު އެތްލީޓް ކަމަށްވާ ހިމްނާ، އެނާގެ ތަމްރީން ފުރިހަމަ ކުރާނީ ސްޕްރިންޓެކް ޓްރެކް ކްލަބް، ޖެމޭކާގައެވެ. މި ތަމްރީންތަކަކީ އެއް އަހަރުގެ ތަމްރީންތަކެކެވެ.
މި ޕްރޮގްރާމްގެ ފުރަތަމަ ބެޗްގައި، ހަތަރު ކުޅިވަރަކުން ހަތް ކުޅުންތެރިން ކާމިޔާބުކަމާއެކު ތަމްރީނު ފުރިހަމަކޮށްފައިވެއެވެ. މިއީ ރާއްޖޭގައި އެންމެ މޮޅު ހުނަރުވެރި ކުޅުންތެރިން ތަމްރީނުކުރުމުގައި ކުރިއަށް އެޅުނު ވަރަށް މުހިންމު ފިޔަވަޅެއް ކަމަށް ބީއެމްއެލް އިން ބުނެއެވެ.
