އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވި ގޮތުގައި މި އަހަރުގެ ރޯދަ މަހުގެ 27 ވިލޭރޭ ބޭއްވުމަށް ހަމަޖެހިފައިވާ ހަފްލާއަކީ ހާފިޒުންގެ ދަސްވެނިވުމުގެ ފުރަތަމަ ހަފްލާއެވެ. އަދި މި ހަފްލާގައި ބައިވެރިވާ ދަސްވެނިންނަށް ހާއްސަ ގައުމެއް ވެސް ތައްޔާރުކުރެވޭނެ ކަމަށް އެ މިނިސްޓަރު ވިދާޅުވިއެވެ.
މިހާރު ވެސް ތިން މީހަކު ގުރުއާން ހިތުދަސްކުރުމަށްފަހު އިމްތިހާނު ހަދަމުންދާއިރު، އިތުރު ދެ މީހަކު އިމްތިހާނު ހެދުމަށް އެދިފައިވާ ކަމަށް މިނިސްޓަރު ޝަހީމް ވިދާޅުވިއެވެ. އަދި ފަސް އަހަރުގެ ކުއްޖަކު ވެސް ގުރުއާން ހިތުދަސްކުރުމަށްފަހު މުރާޖައާ ކުރުމަށް އެދިފައިވާ ކަމަށް އެ މިނިސްޓަރު ފާހަގަކުރެއްވިއެވެ.
ފާއިތުވި އަހަރުން ފެށިގެން މިއަހަރުގެ ސެޕްޓެންބަރު މަހާ ހަމައަށް 28 ހާފިޒުން ވަނީ ސަނަދު ހާސިލުކޮށްފައެވެ. މި ހާފިޒުންނަށް ރާއްޖެ އިސްލާމްވި ދުވަހުގެ މުނާސަބަތުގައި ބޭއްވި ރަސްމީ ޖަލްސާގައި ރައީސް ޑރ. މުހައްމަދު މުއިއްޒު ވަނީ މެޑެލްއާއި ހަނދާނީ ލިޔުމާއި އިނާމު ދެއްވާފައެވެ.
