މިއީ އަމިއްލައަށް މަރުވުމުގެ މައްސަލައެއް ކަމަށް ފުލުހުން ޝައްކުކުރެއެވެ.
"ޖަމްމޫ ކީ ދަދްކަން" ގެ ނަމުން މަޝްހޫރުވެފައިވާ ސިމްރަން ސިންގްގެ ހަށިގަނޑު ފެނުނީ ޑިސެމްބަރު 25 ވަނަ ދުވަހުއެވެ. އޭނާގެ ހަށިގަނޑު ފެނުނު އިރު އެއްވެސް ސުސައިޑް ނޯޓެއް ފެނިފައެއް ނުވެއެވެ. އޭނާއާއެކު ދިރިއުޅެމުންދިޔަ ރައްޓެއްސެއް ފުލުހުންނަށް މި މައްސަލަ ރިޕޯޓުކުރިއެވެ.
އިންސްޓަގްރާމްގައި 600،000 އަށްވުރެ ގިނަ ފޮލޯވަރުން ތިބި ސިމްރަން ސިންގްގެ އެންމެ ފަހުގެ ޕޯސްޓް އަޕްލޯޑްކޮށްފައިވަނީ ޑިސެމްބަރު 13 ވަނަ ދުވަހުއެވެ. އޭނާގެ އާއިލާއިން ބުނެފައިވަނީ މިއީ އަމިއްލައަށް މަރުވުމުގެ މައްސަލައެއް ނޫން ކަމަށެވެ.
ފުލުހުން މިހާރު މި މައްސަލައިގެ ތަހުގީގު ކުރަމުންދާއިރު، އިތުރު ހެކި ހޯދުމަށް މަސައްކަތްކުރަމުންދާ ކަމަށް ފުލުހުން ބުނެއެވެ. އަދި މި މައްސަލައިގައި އިތުރު މައުލޫމާތު ލިބުމުން އާންމުކުރާނެ ކަމަށްވެސް ފުލުހުން ބުނެފައިވެއެވެ.
