ތިން މިނިސްޓްރީއެއް ހިންގަމުން ގެންދިޔަ އިމާރާތްތައް އެއްކޮށް އަނދައިގެންދިޔަ އަލިފާނުގެ އެ ހާދިސާ ހިނގީ މި މަހުގެ 12 ވަނަ ދުވަހު އެވެ.
އެ ހާދިސާ ތަހުގީގްކުރަން އެ ޓީމު ރާއްޖެ އައީ މި މަހުގެ 20ގަ އެވެ.
ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނި ގޮތުގައި، އެ ޓީމު ރާއްޖޭން ފުރީ މި މަހުގެ 22ގަ އެވެ.
އަދި އެ ހާދިސާ އާ ގުޅޭ ފޮޓޯ އާއި ވީޑިއޯ އަދި ސީސީޓީވީ ފުޓޭޖްގެ އިތުރުން ހާދިސާ އާ ގުޅުންހުރި މުހިންމު މައުލޫމާތުތައް އެ ޓީމާ ހިއްސާ ކޮށްފައިވާ ކަމަށް ފުލުހުން ބުންޏެވެ. އެ ތަކެތި ދިރާސާކުރުމަށް ފަހު އެ ޓީމުގެ ހޯދުންތައް ދިވެހި ފުލުހުންގެ ހިދުމަތާ ހިއްސާކުރަން ހަމަޖެހިފައިވާ ކަމަށް ވެސް ފުލުހުން ބުންޏެވެ.
އަލިފާނުގެ ހާދިސާއާ ގުޅިގެން ފުލުހުން ކުރިއަށްގެންދާ ތަހުގީގުގައި އާންމުންގެ އެހީތެރިކަމަށްވެސް ވަނީ މީގެ ކުރިން އެދިވަޑައިގެންފަ އެވެ.
އެގޮތުން އަލިފާނުގެ ހާދިސާގެ ތަހުގީގަށް ބޭނުންކުރެވިދާނެ އެއްވެސް މައުލޫމާތެއް ލިބިފައިވާނަމަ އެކަން މޭޖަރ ކްރައިމް އިންވެސްޓިގޭޝަނާ ހިއްސާކުރުމަށް ދިވެހި ފުލުހުންގެ ޚިދުމަތުންވަނީ އެދިވަޑައިގެންފަ އެވެ.
އަލިފާނުގެ މި ހާދިސާގައި އެ ތަންތަނުގައި ރޯވެ އިމާރާތްތަކާއި އަދި އެ ތަންތަނުގައި ހުރި ލިޔެކިޔުންތަކާއި ވަސީލަތްތައްވެސް ވަނީ ބޭނުން ނުކުރެވޭ ވަރަށް އަނދާފަ އެވެ. އެހެންވެ ވަގުތީގޮތުން އެ ތިން މިނިސްޓްރީ މިހާރު ހިންގަމުން ދަނީ ދަރުބާރުގޭގައެވެ.
