ފުލުހުން ދެންމެ މީޑިއާތަކަށް ފޮނުވި މެސެޖެއްގައި ބުނީ، ޅ. އަތޮޅުގައި ހިންގާ ރިސޯޓެއްގައި ޗުއްޓީ ހޭދަކުރަމުންދިޔަ ފަތުރުވެރިޔަކު ސްނޯކްލިންއަށް ގޮސް އުޅެނިކޮށް މޫދުގައި މަރުވެފައި އޮއްވާ ފެނުނު މައްސަލައެއް އިއްޔެ ހެނދުނު 8:33 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
މަރުވެފައި އޮއްވޭ ފެނުނީ އުމުރުން 70 އަހަރުގެ ފިރިހެނެކެވެ. އެ މައްސަލަ އިތުރަށް ތަހުގީގުކުރަމުން ދާކަމަށް ފުލުހުން ބުނެއެވެ.
ޖަޕާންގެ މީޑިއާތަކުން ރިޕޯޓް ކުރާގޮތުގައި މަރުވި މީހާއަކީ ޖަޕާނުގެ ގާނޫނު ހަދާ މަޖިލީހުގެ މެމްބަރެއްކަމަށާއި އެއީ ވެރިކަން ކުރާ ޖަޕާނުގެ ލިބެރަލް ޑިމޮކްރެޓިކް ޕާޓީއަށް ނިސްބަތްވާ ޓޮޝިޔޫކީ އަޑާޗީ ކަމަށް ނޫސްތަކުން ރިޕޯޓްކުރެ އެވެ. ޖަޕާން ނޫސްތަކުން ރިޕޯޓްކޮށްފައިވާ ގޮތުގައި، އޭނާ ނިޔާވެފައިވަނީ މޫދުގައި ހިނގި އެކްސިޑެންޓެއްގަ އެވެ
ޖަޕާން ގެ ޕާލިމެންޓުން މިކަން އަދި ރަސްމީކޮށް އިއުލާނެއް ނުކުރެ އެވެ. އަދި މިކަމާ ގުޅޭގޮތުން ފޮރިން މިނިސްޓްރީގެ ވެސް ބަހެއް ނުލިބެ އެވެ.
