ads
ވިއްސާރަގައި މާލޭގައި ފެންބޮޑުވި މަގެއް
ފެންބޮޑުވުން ހައްލުކުރަން މަރާމާތަށް މަޖީދީމަގު ބައެއް ބަންދުކޮށްފި
މަޖީދީ މަގުގައި ފެންބޮޑުވާ މައްސަލަ ހައްލުކުރަން އެކި ދުވަސްތަކުގެ މަތިން އެ މަގުގެ ސަރަހައްދުތައް ބަންދު ކުރަން މާލެ ސިޓީ ކައުންސިލް އިން ނިންމައިފި އެވެ.
Advertisement

ފެންބޮޑުވުން ހައްލުކުރުމަށް މަޖީދީމަގު ބްލޮކްތަކަށް ބަހާލައިގެން މާލޭ ސިޓީ ކައުންސިލުން މިހާރު ދަނީ ފުރަތަމަ ބްލޮކްގެ މަސައްކަތް ކުރަމުންނެވެ.

ފުރަތަމަ ބްލޮކްގެ މަސައްކަތް މިހާރު ކުރަމުންދާތީ މިއަދުން  ފެށިގެން ޖަނުއަރީ 4  ގެ ނިޔަލަށް މަޖީދީމަގުގެ ބޮޑު ސަރަހައްދެއް ބަންދުކޮށްފައި ބަހައްޓާނެ ކަމަށް މާލޭ ސިޓީ ކައުންސިލުން މައުލޫމާތުދެއެވެ. 

އެގޮތުން މަލޭ ސިޓީ ކައުންސިލުން ވަނީ ޗާންދަނީމަގާއި ރަށްދެބައިމަގާއި ހަމައަށް ޓްރެފިކް ފްލޯއަށް ބަދަލުގެނެސްފަ އެވެ. އަދި އެސަރަހައްދުގެ ޓްރެފިކް ފްލޯއަށް ގެނެވިފައިވާ ބަދަލު އެނގޭނެ ޗާޓެއް ކައުންސިލުން މިހާރު ވަނި އާންމުކޮށްފަ އެވެ.

your imageމަޖީދީ މަގުގައި ބަންދުވާ ސަރަހައްދު އަދި ޓްރެފިކް ކޮންޓްރޯލް ކުރެވޭ ސަރަހައްދު 

"ވީމާ އެއްގަމު އުޅަނދު ދުއްވާ އެންމެހާ ފަރާތްތަކުގެ ސަމާލުކަމަށްޓަކައި މިކަން އާންމުކޮށް އަންގާ އިއުލާން ކުރީމެވެ. އަދި މިކަމުގައި އެއްގަމު އުޅަނދު ދުއްވާ އެންމެހާ ފަރާތްތަކަށް ދިމާވެދާނެ ދަތިކަމަށްޓަކައި ނިހާޔަތަށް މައާފަށް އެދެމެވެ." ސިޓީ ކައުންސިލްގެ އިއުލާންގައިވެ އެވެ.

ވާރޭވެހިއްޖެނަމަ މާލޭގެ މަގުތަކުގައި ވަރަށް ބޮޑަށް ފެން ބޮޑުވެ އާންމު ދިރިއުޅުމަށް ދަތިވާ މައްސަލަ ހައްލު ނުވެ އޮންނަތާ އެތައް އަހަރެއް ވެއްޖެ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް