ތ ތިމަރަފުށި
ތިމަރަފުށީގައި ގެއަކަށް ބަޔަކު ވަދެ މާރާމާރީ ހިންގައިފި
އަލީ މިދުހަތު
28 ޑިސެމްބަރ 2024 - 16:58:12
ތ. ތިމަރަފުށީގައި މިއަދު ވަޅިއަކުން ހަމަލާދީ، މީހަކު ޒަޚަމްކޮށްލައިފި އެވެ.
Advertisement
ފުލުހުން ބުނީ ތިމަރަފުށީގެ ގެއަކަށް ފަސް މީހުން ވަދެ މާރަމާރީ ހިންގި މައްސަލައެއް މިއަދު 1:30 ހާއިރު ފުލުހުންނަށް ރިޕޯޓު ކޮށްފައިވާ ކަމަށެވެ. އެކަމަކު މާރާމާރީ ހިންގި ސަބަބެއް ފުލުހުން އަދި ހާމައެއް ނުކުރެ އެވެ.
އެ ހާދިސާގައި އެ ގްރޫޕުން މީހަކަށް ތޫނު އެއްޗަކުން ހަމަލާދީފައިވާ ކަމަށް ސޯޝަލް މީޑިއާގައި ވަނީ އަޑުފެތުރިފަ އެވެ.
"މި މައްސަލަ ފުލުހުން ގެންދަނީ ތަހުގީގް ކުރަމުން،" އިތުރު ތަފްސީލެއް ނުދީ ފުލުހުންގެ މެސެޖްގައި ބުނެފައިވެ އެވެ.
މިދިޔަ އޮކްޓޯބަރުން ފެށިގެން މާލޭގައި ގޭންގްތަކުގެ މެދުގައި މައްސަލައެއް ޖެހި، ސިލްސިލާ މާރާމާރީތަކެއް ދަނީ ހިންގަމުންނެވެ.
ފުލުހުން އާންމުކޮށްފައިވާ ތަފާސްހިސާބަށް ބަލާއިރު، މި އަހަރުގެ މިހާތަނަށް ޖިސްމާނީ އަނިޔާގެ 694 މައްސަލައެއް ހުށަހަޅާފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
