ހޭންޑްބޯލް މޯލްޑިވްސްގެ ރައީސް އަހްމަދު މުޖުތަބާ، ގައުމީ ޓީވީގައި ވާހަކަ ދައްވަމުން ވިދާޅުވީ، އަންނަ އަހަރު މުބާރާތް ބާއްވާއިރު މާލޭ ސަރަހައްދު އެއީ ވަކި ބައެއް ގޮތަށް ކުރިއަށްގެންދިޔުމަށް ހަމަޖެހިފައިވާ ކަމަށެވެ. އަދި ސެންޓްރަލް އޭރިއާގައި ވަކިން އިންޓަރ ސްކޫލް މުބާރާތް ކުރިއަށްގެންދާއިރު، އުތުރާއި ދެކުނުގެ ސަރަހައްދަށްވެސް ވަކިން މުބާރާތް ބޭއްވިގެންދާނެ ކަމަށް މުޖުތަބާ ވަނީ ވިދާޅުވެފައެވެ.
އިންޓަރ ސްކޫލް މުބާރާތް އަތޮޅުތެރޭގައި ބާއްވައިފި ކަމަށް ވާނަމަ، މިހާރަށް ވުރެ ފޯރިގަދަވެގެންދާނެ ކަމަށްވެސް ހޭންޑްބޯލްގެ ރައީސް ވިދާޅުވިއެވެ. މުޖުތަބާ ވިދާޅުވި ގޮތުގައި އެންމެ ބޮޑު ވިސްނުމަކީ ހޭންޑްބޯޅަ ޑީސެންޓްރަލައިޒް ކުރުމެވެ.
"ރަށްރަށުގެ ސްކޫލްތަކާއި ކައުންސިލްތަކުން ދެއްވާ އެހީތަރިކަން އަދި އާންމު ރައްޔިތުން ވެދެއްވާ އެހީތެރިކަން. މިސާލަކަށް ބުނާކުމުގައި ވަންޏާ، މިފަހަރު ބައިވެރިވި ރ. އަތޮޅުން، ހއ. އިން ކުދިން ގޮވައިގެން މާލޭގައި ދެ ހަފުތާ ތިބުމަކީ އެހާ ފަސޭހަ ކަމެއް ނޫން".
