Advertisement

ރައީސް މުއިއްޒު ފޮނުއްވި މެސެޖުގައި، މި ހާދިސާގެ ހިތާމަވެރި ހަބަރު އެއްސެވީ ކުއްލި ހައިރާންކަމާއި ފުން ހިތާމައާ އެކުގައި ކަމަށް ވިދާޅުވިއެވެ. އަދި މި ހާދިސާގައި މަރުވި މީހުންގެ އާއިލާތަކަށާއި ކޮރެއާ ސަރުކާރަށާއި ރައްޔިތުންނަށް އިހުލާސްތެރި ތައުޒިޔާ ވިދާޅުވެފައިވެއެވެ.

ޖޭޖޫ އެއާގެ މަތިންދާބޯޓު ޖެއްސުމުގެ ތެރޭގައި އަލިފާން ރޯވެ ވެއްޓުނު މި ހާދިސާގައި 179 މީހުން މަރުވެފައިވާއިރު، ދެ ފަޅުވެރިން ވަނީ ސަލާމަތްވެފައެވެ. މިއީ ދެކުނު ކޮރެއާގެ ތާރީހުގައި ހިނގި އެންމެ ނުރައްކާތެރި ވައިގެ ހާދިސާއެވެ.

ރައީސް މުއިއްޒު މެސެޖު ނިންމަވާލައްވާފައިވަނީ މި ހާދިސާގެ ސަބަބުން ލިބުނު ގެއްލުންތަކުން އަރައިގަތުމަށް ކުރެވެމުންދާ މަސައްކަތްތަކަށް ކާމިޔާބު އެދިވަޑައިގެން، އެކަމުން އަރައިގަތުމުގެ ހިތްވަރާއި ސާބިތުކަމަށް އެދިވަޑައިގަންނަވަމުންނެވެ.

• ހާދިސާގައި 179 މީހުން މަރުވެ، ދެ ފަޅުވެރިން ސަލާމަތްވި
• މިއީ ދެކުނު ކޮރެއާގެ ތާރީހުގެ އެންމެ ނުރައްކާތެރި ވައިގެ ހާދިސާ
• ހާދިސާ ހިނގީ މުއާން އިންޓަރނޭޝަނަލް އެއަރޕޯޓުގައި
• ރައީސް މުއިއްޒު ހަމްދަރުދީގެ މެސެޖު ފޮނުއްވީ ކޮރެއާގެ ވަގުތީ ރައީސަށް