މޯލްޑިވިއަންގެ ފުރަތަމަ ވައިޑް ބޮޑީ އެއާކްރާފްޓް ގެނެސް ބޯޓަށް މަރުހަބާ ކިޔުމުގެ ގޮތުން މި ހާއްސަ ހަރަކާތް މާލޭ އަދި ހުޅުމާލޭގައި ވެސް ބޭއްވުމަށް އެކުންފުނިން ދަނީ ތައްޔާރުވަމުންނެވެ.
އަންނަ ހޯމަ ދުވަހު ބާއްވާ އެއާ ޝޯވް ބޭއްވުމަށް ހަަަމަޖެހިފައިވަނީ އެދުވަހުގެ ހަވީރު 5:00 އިން 5:30 އަށް ކަމަށް މޯލްޑިވިއަނުން ސޯޝަލް މީޑިއާގައި ކުރި ޕޯސްޓެއްގައި ބުނެއެވެ.
މާލޭގައި މި ހަރަކާތް ބާއްވަނީ އުސްފަސްގަނޑު ސަރަހައްދުން ކަމަށްވާއިރު ހުޅުމާލޭގެ 2 ސަރަހައްދެއްގައި އެއާ ޝޯވް ބޭއްވުމަށް ވަނީ ހަމަޖެހިފައެވެ. އެއީ ފޭސް 1 އަދި ފޭސް 2 ގެ އިރުމަތީ ބީޗް ގައެވެ.
މޯލްޑިވިއަންގެ ދަރުތައް ފުޅާ ކުރެވިގެންގޮސް އަންނަ އަހަރުގެ ތެރޭގައި ޗައިނާއާއި ޔޫރަޕްގެ ޑެސްޓިނޭޝަންތަކަށް މޯލްޑިވިއަންގެ ވައިޑް ބޮޑީ އެއާ ކްރާފްޓް ދަތުރުކުރާނެ ކަމަށްވެސް މީގެ ކުރިން ރައީސް ޑރ.މުހައްމަދު މުއިއްޒު ވަނީ ވިދާޅުވެފައެވެ.
މޯލްޑިވިއަނުން ބައިނަލްއަގުވާމީ ދަތުރުތައް މިހާރު ކުރަމުން އަންނަނީ ބަންގްލަދޭޝްގެ ޑާކާ، އިންޑިއާގެ ޓްރިވެންޑްރަމް، ކޮޗިން އަދި ބެންގަލޫރުގެ އިތުރުން ސްރީ ލަންކާގެ ކޮލޮމްބޯ އަށެވެ.
