1 mas dhuvahun cigarette ge agu 98 percent ah ufulijje

ހަބަރު / އިޖުތިމާއީ

ސިނގިރޭޓް ފިލްޓަރުތަކެއް

އެއް މަސް ދުވަހުން ސިނގިރޭޓު އަގު 98 ޕަސަންޓަށް އުފުލިއްޖެ

ގުފްތަގް އަޖީރު

31 ޑިސެމްބަރ 2024 - 09:50:03

ރާއްޖޭގެ ބާޒާރުގައި ސިނގިރޭޓުގެ އަގު މިއަހަރުގެ ނޮވެމްބަރު މަހު 98.12 ޕަސަންޓަށް އުފުލިއްޖެ އެވެ. މިއީ މިދިޔަ އަހަރުގެ ނޮވެމްބަރު މަހާ އަޅާބަލާއިރު އައި ބަދަލެކެވެ.

ނޭޝަނަލް ބިއުރޯ އޮފް ސްޓެޓިސްޓިކްސް (އެންބީއެސް) އިން ނެރުނު ކޮންސިއުމާ ޕްރައިސް އިންޑެކްސް (ސީޕީއައި) ގެ ރިޕޯޓުން ދައްކާގޮތުގައި މުޅި ރާއްޖޭގެ މުދަލާއި ހިދުމަތުގެ އަގުތައް ވަނީ 4.05 ޕަސަންޓަށް މައްޗަށް ގޮސްފަ އެވެ. މީގެ ތެރެއިން އެންމެ ބޮޑު ބަދަލެއް އައިސްފައިވަނީ ސިނގިރޭޓުގެ އަގަށެވެ.

ސިނގިރޭޓުގެ އިތުރުން ރެސްޓޯރަންޓް ކެފޭ ހިދުމަތުގެ އަގުތައްވެސް ވަނީ 15.81 ޕަސަންޓަށް މައްޗަށް ގޮސްފަ އެވެ. އަދި ކަނޑުދަތުރުފަތުރުގެ އަގުތައް 5.13 ޕަސަންޓަށް އުފުލުނު އިރު، ކަރަންޓް، ބޫޓާއި ފައިވާން، މޭވާ އަދި އަންނައުނުގެ އަގުތައްވެސް ވަނީ މައްޗަށް ގޮސްފަ އެވެ.