އެފްއޭއެމްގެ ޖެނެރަލް ސެކެއްޓްރީކަންވެސް ކުރައްވާފައިވާ ހާމިދު ކުރެއްވީ، ރާއްޖޭގެ ފުޓްބޯޅައިގެ ހާލަތާ މެދު ސިލްސިލާކޮށް ލިޔުއްވާ ރިޕޯޓްތަކުގެ ތެރެއިން އެންމެ ފަހުން ލިޔުއްވި ވިދާޅުވެފައިވަނީ ނައިންޓީ ޕްލަސް ގޯލްޑް ކަޕުން އެނގިގެން ދިޔައީ ފުޓުބޯޅަ މުބާރާތްތަކަކީ ކޮންމެހެން އެފްއޭއެމުން ހިންގަންޖެހޭ ހަރަކާތެއް ނޫންކަން ކަމަށާއި އަމިއްލަ ފަރާތަތަކުން މާމޮޅަށް މުބާރާތް ހިންގިދާނެކަން ކަމަށެވެ. ހާމިދު ވިދާޅުވީ މިއީ ދުނިޔޭގެވެސް ތަޖްރިބާ ކަމަށެވެ.
ފުޓްބޯޅަ ރައިޓްސް އައުޓްސޯސްކުރުމަކީ އެފްއޭއެމްގެ ސްޓެޓިއުޓްސްއިން ޖާގަ ދޭކަމެއް ކަމަށް ހާމިދު ވިދާޅުވިއެވެ. އާޓިކަލް 75 – ރައިޓްސް، މިމާއްދާގެ 2 ވަނަ ނަމްބަރުގައި ބުނަނީ މިފަދަ ރައިޓްސް، ތިންވަނަ ޕާޓީއަކަށް ދޫކުރެވިދާނެކަމަށް ހާމިދު ވިދާޅުވިއެވެ.
ފުޓްބޯލް ރައިޓްސް އައުޓްސޯސް ކުރުމަކީ، އިންތިހާބުކުރެވޭ އެސޯސިއޭޝަނަކުން ނޫނީ ނުކުރެވޭ ކަމަކަށް ވާނަމަ، އެފްއޭއެމްގެ އިންތިހާބު އަވަސްކުރުމަކީ ނޯމަލައިޒޭޝަން ކޮމިޓީން ކުރަންޖެހޭނެ ކަމެއް ކަމަށްވެސް ހާމިދު ވިދާޅުވިއެވެ.
