ފޮޓޯ: ޕިން އިންޓްރެސްޓް
ދިވެހީންނަށް ގަހަނާ ޑިޒައިންކޮށްލުމުގެ ފުރުސަތު، ހިލޭ ބައިވެރިވެވޭނެ!
އައިޝަތު ރަޝާ
31 ޑިސެމްބަރ 2024 - 14:36:55
މޯލްޑީވްސް ޕޮލިޓެކްނިކުން ދިވެހިންނަށް މުޅިން ހިލޭ ބައިވެރިވެވޭނެހެން ގަހަނާ ޑިޒައިންކޮށްލުމުގެ ފުރުސަތެއް ހުޅުވާލައިފިއެވެ.
Advertisement
ޕޮލިޓެކްނިކުން ބުނީ ޖެނުއަރީ އިންޓޭކް 2025ގައި "ސެޓްފިކެޓް 3 އިން ޖްވެލްރީ ޑިޒައިން އެންޑް މޭކިންކް" ކޯހުގައި ބައިވެރިވުމުގެ ފުރުސަތު ހުޅުވާލެވިފައި ވާކަމަށެވެ.
ގަހަނާ ހެދުމާއި ޑިޒައިންކުރުމުގެ މި ތަމްރީނު ޕްރޮގްރާމަކީ އެއްވެސް ކޯސް ފީ އަކާއި ނުލައި، މުޅިން ހިލޭ ކުރިއަށްގެންދިޔުމަށް ހަމަޖެހިފައިވާ ކޯހެއްކަމަށް ޕޮލިޓެކްނިކުން ބުނެއެވެ.
ކޯހަށް ހުށަހަޅާ ފަރާތްތަކުގެ ޝަރުތުތަކުގެ ތެރޭގައި، އަސާސީ ތައުލީމު ފުރިހަމަ ކޮއްފައިވުން ނުވަތަ ސެޓްފިކެޓް ލެވެލް 2 ގެ ފެންވަރު ހާސިލުކޮއްފައިވުން ނުވަތަ 18 އަހަރު ފުރިފައިވާ، ލިޔަންކިޔަން ދަންނަ ފަރާތެއް ކަމުގައިވުން ހިމެނެއެވެ.
"ސެޓްފިކެޓް 3 އިން ޖްވެލްރީ ޑިޒައިން އެންޑް މޭކިންކް" ކޯސް އަދި ޕޮލިޓެކްނިކްގެ އެހެނިހެން ކޯސްތަކަށް ހުށަހެޅުމުގެ ސުންގަނޑި އަކީ ފެށޭ ޖެނުއަރީ މަހުގެ 5 ވަނަ ދުވަހެވެ.
މި ކޯސްތަކަށް ހުށަހެޅުމަށް މި ލިންކު މެދުވެރިކޮށް، ފޯމް ފުރިހަމަކުރުމަށްފަހު ކޯހަށް ހުށަހެޅޭނެ ކަމަށް ޕޮލިޓެކްނިކުން ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
