ބަގާވާތެއް ގެނެެސް ރައީސް ޑރ.މުހައްމަދު މުއިއްޒުގެ ވެރިކަން ވައްޓާލަން، އިދިކޮޅު ފަރާތްތަކުން އިންޑިއާގެ ރޯ އެޖެންޓުންގެ އެހީތެރިކަމާއެކު ރޭވުމެއް ކުރިއަށް ގެންދިޔަކަމަށް ބުނެ އެމެރިކާގެ މަގުބޫލު ނޫސް ވޮޝިންޓަން ޕޯސްޓްގައި ވަނީ ޝާއިއުކޮށްފައެވެ.
ތަހުގީގަކަށްފަހު އެ ނޫހުން ބުނީ ވެރިކަން ވައްޓާލަން ކުރިއަށް ގެންދިޔަ ރޭވުމުގެ ތެރެއިން "ޑިމޮކްރެޓިކް ރިނިޔުވަލް އިނީޝިއޭޓިވް" ގެ ނަމުގައި ލިޔުމެއް ތައްޔާރުކޮށްފައިވާކަމަށެވެ. އެގޮތުން އެލިޔުމުގައި މަޖިލީހުގެ ޕީއެންސީގެ ގިނަ އަދަދެއްގެ މެމްބަރުންނަށް ރިޝްވަތު ދީގެން ، ރައީސް ޑރ. މުއިއްޒިގެ މައްޗަށް އިތުބާރު ނެތްކަމަށް ފާސްކުރަން ޕްލޭންކޮށްފައި ވާކަމަށެވެ. އަދި މަޖިލިސް މެމްބަރުންގެ އިތުރުން ފުލުހުން ސިފައިން އަދި ރާއްޖޭގައި ހަރަކާތްތެރިވާ ބައެެއް ގޭންގުތަކަށްވެސް ފައިސާދޭން ރޭވިގެން ދިޔަކަމަށެވެ.
މިކަމާ ކަންބޮޑުވުން ފާޅުކުރައްވަމުން ކުރީގެ ޕީޖީ މުހްތާޒް ވަނީ ސޯޝަލް މީޑިއާގައި ޕޯސްޓެއް ކުރައްވާފައެވެ.
އެ ނޫހުން އިތުރަށް ބުނީ މި ރޭވުންތައް ކުރިއަށް ގެންދިޔައީ ރައީސް ޑރ.މުހައްމަދު މުއިއްޒު އިންޑިއާގެ އަސްކަރީ ސިފައިން ރާއްޖެއިން ބާލާނެ ކަމަށް ވައުދުވެ، ވެރިކަމާ ހަވާލުވެ ވަޑައިގަތްްތާ މާގިނަދުވަހެއް ނުވަނީސް ނިމިދިޔަ ޖެނުއަރީ މަހުގައި ކަަަމަށެވެ.
