
ރިޕޯޓްތައް ބުނާ ގޮތުން، ގަތަރުގެ ޝެއިހް އަދިވެސް ބޭނުންފުޅުވަނީ އެންމެ ފުރަތަމަވެސް ހުށަހަޅެއްވި ގޮތަށް ޔުނައިޓުގެ 100 ޕަސެންޓް ހިއްސާ ބައްލަވައިގަތުމަށެވެ. އަދި ޔުނައިޓެޑުގެ ފުރިހަމަ ހިއްސާ ބައްލަވައިގަތުމަށް ފަހު، މުޅިން ވަކިން ކުރާ ހަރަދެއްގެ ގޮތުގައި ޔުނައިޓެޑުގެ ހުރިހާ ދަރަންޏެއް ހަލާސް ކުރައްވަން ޝެއިޚް އަދިވެސް ބޭނުންފުޅުވެއެވެ.
މެންޗެސްޓަރ ޔުނައިޓެޑުގެ ނަތީޖާތައް މިއިން ޒަމާނަކުވެސް ދަށްވެފައިނުވާ މިންވަރަށް ދަށްވެފައިވާއިރު ކްލަބުގެ މާލީ ކަންކަން ދަށްވެ، އަދި ދަށް ނަތީޖާތަކާއެކު ކްލަބު އޮތީ ރެލިގޭޓްވުމުގެ ބިރާ ކުރިމަތިލާން ޖެހޭ ހިސާބުގައެވެ.
ރިޕޯޓްތައް ބުނާ ގޮތުން، ކުރިންވެސް ޝެއިހް ހުށަހެޅުއްވި ގޮތަށް ޝެއިހް ބޭނުންފުޅުވަނީ ޔުނައިޓެޑުގެ ޓްރާންސްފާއަށް ހާއްސަ ބަޖެޓެއް ކަނޑައެޅައި އަދި ޓްރެއިނިންގ ގްރައުންޑް ތަރައްގީ ކުރުމާއެކު މުޅިން އާ ސްޓޭޑިއަމެއްވެސް އިމާރާތް ކުރާށެވެ. ޔުނައިޓެޑުގެ ސްޓޭޑިއަމް އޯލްޑްޓަރެފަޑްވެސް އޮތީ މިހާރު ވަރަށް ބޮޑަށް އާބާތުރަ ފިލުވަން ޖެހިފައެވެ.
ގްލޭޒަސް އަތުން މެންޗެސްޓާ ޔުނައިޓެޑް ބައްލަވައި ގަތުމުގެ މަސައްކަތުގައި ގަތަރުގެ ޝޭހާ ވާދަކުރައްވައި އިގިރޭސި މަހުޖަނު ސާރ ޖިމް ރެޓްކްލިފް ކާމިޔާބު ކުރެއްވި ނަމަވެސް، ކްލަބު އޮތީ އިނދަޖެހިފައެވެ.