ރާއްޖޭގެ އެކި ސަރަހައްދުތަކުން، ޖުމްލަ 17 ޓީމާއެކު ބޭއްވުނު ގޯލްޑްކަޕް ފުޓްބޯޅަ މުބާރާތަކީ ފަހުގެ ތާރީހެއްގައި ރާއްޖޭގައި ބޭއްވުނު އެންމެ ފޯރިގަދަ ފުޓްބޯޅަ މުބާރާތެވެ.
އެފްއޭއެމްގެ ޖެނެރަލް ސެކެއްޓްރީކަންވެސް ކުރައްވާފައިވާ ހާމިދު، ރާއްޖޭގެ ފުޓްބޯޅައިގެ ހާލަތާ މެދު ސިލްސިލާކޮށް ލިޔުއްވާ ރިޕޯޓްތަކުގެ ތެރެއިން އެންމެ ފަހުން ލިޔުއްވި ރިޕޯޓުގައި ވިދާޅުވީ ގޯލްޑް ކަޕަކީ ދިވެހި ފުޓުބޯޅައިގެ އިންގިލާބީ ބަދަލުގެ ފެށުން ކަމަށެވެ.
ހާމިދު ވިދާޅުވީ، ގޯލްޑް ކަޕްގެ ސަބަބުން ރީޖަނަލް އެސޯސިއޭޝަންތަކަކަށް ނުވަތަ ރާއްޖޭގައި ކިޔާ ގޮތަށްނަމަ "ޒޯން" ތަކަށްފުޓުބޯޅަ ލާމަރުކަޒުކުރުމުގެ ސިޔާސަތަށް ތާއީދު ބޮޑުވެއްޖެ ކަމަށެވެ.
ފުޓުބޯޅަ ލާމަރުކަޒު ކުރުމުގެ ސިޔާސަތަކީ އެފްއޭއެމްގެ ސްޓެޓިއުޓްސް (އަސާސީ ގަވާއިދު) ގެ 10 އާއި 18 ވަނަ މާއްދާއއާއި 22 ވަނަ މާއްދާއިން ކަށަވަރުކޮށްދީފައިވާ ސިޔާސަތަކަށް ވީނަމަވެސް، ވެއަތުވެދިޔަ އަހަރުތަކުގައި މިސިޔާސަތަށް އަމަލު ކޮށްފައެއް ނުވާކަން ފާހަގަ ކުރައްވައި ހާމިދު ވިދާޅުވީ އެފްއޭއެމް އޮތީ ލާމަރުކަޒުކުރުމާ ދުރު ޖަމާއަތެއްގެ ގޮތުގައި ކަމަށެވެ.
