ދައުލަތުގެ މީޑިއާ މެދުވެރިކުރައްވައި މަޖިލިސް ރައީސް ވިދާޅުވީ ރައީސް މުއިއްޒު ވެރިކަމާ ހަވާލުވެވަޑައިގަތްއިރު ރާއްޖޭގެ މާލީ ހާލަތު އޮތީ ވަރަށް ދަށު ދަރަޖައެއްގައި ކަމަށެވެ. އަދި ހަމަޖެހުމާއި އިޖުތިމާއީ އަދާލަތާއި އިންސާފު ގާއިމުކުރުމުގެ ނިޒާމުތައްވެސް އޮތީ ފެއިލްވެފައި ކަމަށް ވިދާޅުވިއެވެ.
މި ދަތި ހާލަތުގައިވެސް ސަރުކާރުން ވަނީ މުހިންމު ކާމިޔާބީތަކެއް ހާސިލުކޮށްފައެވެ. އޭގެ ތެރޭގައި އިގްތިސާދު ފުޅާކުރުމަށް ޑިވެލޮޕްމަންޓް ބޭންކެއް އުފެއްދުމާއި، ޗައިނާއާއެކު މިނިވަން ވިޔަފާރީގެ އެއްބަސްވުމެއްގައި ސޮއިކުރުން ހިމެނެއެވެ. އަދި މިހާތަނަށް ރާއްޖެއަށް ނާންނަ މިންވަރަށް 2 މިލިއަން ޓޫރިސްޓުން ޒިޔާރަތްކުރުންވެސް ހިމެނެއެވެ.
މަޖިލިސް ރައީސް އިތުރަށް ފާހަގަކުރެއްވި ގޮތުގައި، 2024 ވަނަ އަހަރަށް ކަނޑައެޅި ބަޖެޓަކީ ރައީސް މުއިއްޒުގެ ވައުދުތައް ފުއްދުމަށް އެކަށީގެންވާ ބަޖެޓެއް ނޫނެވެ. ނަމަވެސް، މި ހުރިހާ ގޮންޖެހުންތަކާއެ ކުވެސް ގައުމު ބަނގުރޫޓުވިޔަ ނުދީ، މެދުކެނޑުމެއްނެތި އަސާސީ ހިދުމަތްތައް ރައްޔިތުންނަށް ފޯރުކޮށްދެވުނުކަން ފާހަގަކުރެއްވިއެވެ.
