އެންޑީއެމްއޭ އިން ބުނީ މާލެއަށް ކުރި ވިއްސާރާގައި ފެންބޮޑުވުމުގެ ސަބަބުން ވަގުތީ ބޯހިޔާވަހިކަން ފޯރުކޮށްދެވުނު ފަރާތްތަކުން ދަނީ އެފަރާތްތަކުގެ ދިރިއުޅެމުން އައި ތަން އާންމު ހާލަތައް ގެނައުމަށް މަސައްކަތްކުރަމުން ކަމަށާއި މި ފަރާތްތަކަށް ވަގުތީ ބޯހިޔާވަހިކަން ދެވުނީ ދެ ދުވަހުގެ މުއްދަތަށް ކަމަށެވެ.
އަދި އެންޑީއެމްއޭ އަށް ގެއްލުންތައް ރިޕޯޓް ކުރި މީހުން ދިރިއުޅޭ ގެތަކުގެ ގެއްލުންތައް ދެނެގަތުމުގެ އެސެސްމެންޓް މާދަމާ ހެދުމަށް ހަމަޖެހިފައިވާ ކަމަށް އެ އޮތޯރިޓީން ބުނެ އެވެ.
މާލެއަށް އިއްޔެ ކުރި ގަދަ ވިއްސާރައިގެ ސަބަބުން 226 މީހަކަށް ވަގުތީ ބޯހިޔާވަހިކަމާއި ކެއުންބުއިމުގެ އެހީތެރިކަން އެންޑީއެމްއޭ އިން ވަނީ ފޯރުކޮށްދީފަ އެވެ.
ފ. ނިލަންދޫގެ ވަޑާންގެއެއްގައި ފެންބޮޑުވެފައި.
އެންޑީއެމްއޭ އިން ބުނީ ގެއްލުންތައް ރިޕޯޓް ކުރި މީހުން ދިރިއުޅޭ ގެތަކުގެ ގެއްލުންތައް ދެނެގަތުމުގެ އެސެސްމަންޓް މާދަމާ ހަދާނެ ކަމަށެވެ.
މާލޭގެ އިތުރުން އަތޮޅު ތެރޭގެ ރަށްތަކަށް ވެސް މި ވިއްސާރައިގައި އެކިވަރުގެ ގެއްލުންތައް ލިބިފައިވެ އެވެ. އެ ގެއްލުންތައް ދެނެގަތުމަށް ރަށު ކައުންސިލްތަކާ ގުޅިގެން މަސައްކަތް ކުރަމުން އަންނަ ކަމަށް އެ އޮތޯރިޓީން ބުނެ އެވެ.
