ads
ޑިފެންސް މިނިސްޓަރު މުޙައްމަދު ޣައްސާން މައުމޫން:
މިނިސްޓަރު ޣައްސާން މި ހަފުތާ އިންޑިއާއަށް ވަޑައިގަންނަވަނީ
ޑިފެންސް މިނިސްޓަރު ޣައްސާން މައުމޫން ވެސް އިންޑިއާ އަށް ވަޑައިގަންނަވާ ގޮތަށް ހަމަޖެހިއްޖެ އެވެ.
Advertisement

ޣައްސާން އިންޑިއާ އަށް ދަތުރެއް ކުރައްވަން ނިންމެވިއިރު، ފޮރިން މިނިސްޓަރު ޑރ. އަބްދުﷲ ހަލީލް ވެސް މިދިޔަ ހަފުތާ ބަންދު ތެރޭގައި ވަނީ އެ ގައުމަށް ރަސްމީ ދަތުރެއް ކުރައްވައިފަ އެވެ.

އެ ދަތުރުގެ ތެރެއިން އިންޑިއާގެ "ވިއޯން" އަށް ދެއްވި އިންޓަވިއުއެއްގައި ހަލީލް ވަނީ ޣައްސާން ވެސް ވަރަށް އަވަހަށް އިންޑިއާ އަށް ވަޑައިގަންނަވާނެ ކަމަށް ވިދާޅުވެފަ އެވެ

އިންޑިއާގެ ވިއޯން ޓީވީއަށް ދެއްވި އިންޓަވިއުއެއްގައި މިނިސްޓަރު ހަލީލް ވިދާޅުވެފައި ވަނީ މިނިސްޓަރު ޣައްސާން އެގައުމަށް ވަޑައިގަންނަވަން ހަމަޖެހިފައި ވަނީ ދެދުވަހަށް، މިމަހުގެ 7-8 އަށް ކަމަށެވެ.

ޣައްސާން އިންޑިއާ އަށް ވަޑައިގަންނަވާއިރު، އެ ގައުމުގެ ސިފައިން ރާއްޖެއިން ބޭރު ކުރުމަކީ މި ސަރުކާރުގެ އެންމެ ބޮޑު އެއް ވައުދެވެ. އެ ވައުދު މިދިޔަ އަހަރުގެ ކުރީކޮޅު ފުއްދައި އިންޑިއާގެ ސިފައިން ވަނީ ގެންގޮސްފަ އެވެ.

ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވިތާ ކުރީކޮޅު ދެ ގައުމު ގުޅުން އޮތީ ވަރަށް ބޮޑަށް ހީނަވަރުވެފަ އެވެ. ނަމަވެސް ރައީސް މުއިއްޒު އިންޑިއާއަށް ކުރެއްވި ދަތުރުފުޅާ އެކު ދެ ގައުމުގެ ގުޅުން މިހާރު ދަނީ ހަރުދަނާވެ ވަރުގަދަ ވަމުންނެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް