Advertisement

ސަރުކާރު ސްކޫލްތަކާއި ޕްރައިވެޓް ސްކޫލްތަކުގައި ކިޔަވާ ދަރިވަރުންގެ ތެރެއިން 83،000 ދަރިވަރުން ކިޔަވަމުންދަނީ ސަރުކާރުގެ 217 ސްކޫލުގައެވެ. އަދި 13،000 ދަރިވަރުން ކިޔަވަމުންދަނީ ޕްރައިވެޓް ސްކޫލްތަކުގައެވެ.

އެޑިއުކޭޝަން މިނިސްޓްރީން އާންމުކުރި މައުލޫމާތުގައިވާ ގޮތުން މި އަހަރުގެ ފުރަތަމަ ޓާމްގައި ދަރިވަރުން ވަނީ 85 ދުވަހު ކިޔަވާފައެވެ. އަދި މިހާރު ފެށުނު ދެވަނަ ޓާމްގައި 105 ދުވަހު ކިޔަވަން ހަމަޖެހިފައިވެއެވެ. ދެވަނަ ޓާމްގެ ކިޔެވުން ކުރިއަށްދާނީ މާޗް 6 އާ ހަމައަށެވެ.

ދިރާސީ އާ އަހަރުގެ ކިޔެވުން ފެށުމަށް ހަމަޖެހިފައިވަނީ އެޕްރީލް 6 ގައެވެ. އަދި 2026 ވަނަ އަހަރުން ފެށިގެން ދިރާސީ އަހަރު ފެށުމަށް ހަމަޖެހިފައިވަނީ ޖެނުއަރީ މަހުގައެވެ. މިއީ ރައީސް ޑރ. މުއިއްޒުގެ ރިޔާސީ ވައުދެއްގެ ގޮތުގައި ހިމެނޭ ކަމެކެވެ.

• މުޅި ރާއްޖޭގައި 96،000 ދަރިވަރުން ކިޔަވަމުންދޭ
• ސަރުކާރު ސްކޫލްތަކުގައި 83،000 ދަރިވަރުން
• ޕްރައިވެޓް ސްކޫލްތަކުގައި 13،000 ދަރިވަރުން
• ދެވަނަ ޓާމްގައި 105 ދުވަހު ކިޔަވާނެ
• 2026 ގައި ދިރާސީ އަހަރު ޖެނުއަރީން ފެށޭނެ