އެފްއެސްއެމްގެ ތެޔޮބޯޓު ފަރަށް އަރާފަ
ނިލަންދޫ ފަރަށް އެރި ތެޔޮ ބޯޓު ފުންކުރުމުގެ މަސައްކަތް ފަށައިފި: ކައުންސިލް
އައިޝަތު ރަޝާ
05 ޖެނުއަރީ 2025 - 18:29:56
ގއ. ނިލަންދޫ ފަރަށް އެރި ތެޔޮ ބޯޓު ފުންކުރުމުގެ މަސައްކަތް ފަށައިގެން ކުރިއަށް ދާކަމަށް އެރަށު ކައުންސިލް ރައީސް ނާސިހް އިބްރާހީމް ވިދާޅުވެއްޖެ އެވެ.
Advertisement
ސަރުކާރުގެ ތެޔޮ ކުންފުނި ފިއުލް ސަޕްލައި މޯލްޑީވްސް (އެފްއެސްއެމް) ގެ ބޯޓެއް ނިލަންދޫގެ ހުޅަނގު އުތުރު ފަރަށް އަރައިފައިވަނީ މިއަދު ހެނދުނުގެ ވަގުތެއްގައި އެވެ.
"ސީއެންއެމް" އަށް މައުލޫމާތު ދެއްވަމުން ނާސިހް ވިދާޅުވީ ބޯޓު ފުންކުރުމުގެ މަސައްކަތް ފަށާ މިވަގުތު ކުރިއަށް ދާކަމަށެވެ.
"ގާތްގަނޑަކަށް މީގެ ދެ ގަޑިރު ކުރިން ބަލާލިއިރު އަދި ބޯޓު ނުހިގާ، ބޯޓު ފުންނުކުރެވޭ، މަސައްކަތް ކުރަމުންދަނީ ބޯޓު ފަރަށް އަރާފައި ހުރީ ވަރަށް ބޮޑަށް، ފުންކުރުމަށް މަސައްކަތް ކުރަމުން ދަނީ" ނާސިހް ވިދާޅުވި އެވެ.
މިހާތަނަށް ބެލިބެލުމުން ބޯޓަށް ގެއްލުންވެ ފަޅައިގެން ގޮސްފައިވާ ކަމެއް އަދި ފާހަގަކުރެވިފައެއް ނެތް ކަަމަށްވީނަަމަވެސް ފަރަށް ގެއްލުންވެފައި ވާކަން ކަށަވަރުވާކަމަށް ކައުންސިލް ރައީސް ވިދާޅުވި އެވެ.
"ފަރަށް ގެއްލުންވެފައި ހުރިކަން އެބަ އެނގޭ، ފަރުމައްޗަށް ބޮޑު ދަނގަޑު ބޯޓެއް އަރާއިރު ފަރަަށް ގެއްލުންވެފަ ތާ ހުންނާނީ ގެއްލުންވެފައި އިން ކަން ކައިރިއަށް ގޮސް ބަލައިލީމާ އެނގޭ، ކައުންސިލްގެ މެމްބަރުންނާއެކު ބޯޓު ކައިރިއަށް ބަލައިލަން ދިޔައިން، ފަރަށް ހުރީ ހަމަ ގެއްލުންވެފައި" ނިލަންދޫ ކައުންސިލް ރައީސް ވިދާޅުވި އެވެ.
އޭނާ އިތުރަށް ވިދާޅުވީ ފަރަށް އެރި އެފްއެސްއެމްގެ ތެޔޮ ބޯޓުން، ތެޔޮ ފޭބުން ފަދަ ކަަމެއް ފާހަގަކުރެވިފައެއް ނެތް ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
