ކުރީގެ ފޮރިން މިނިސްޓަރު އަބްދުﷲ ޝާހިދު
ވިދިވިދިގެން ތިންވަނަ ފަހަރަށް އޮޑިޓުން ޝާހިދަށް އޭ ސްޓާއެއް
އަހުމަދު ހަސަން
07 ޖެނުއަރީ 2025 - 12:44:42
ވިދިވިދިގެން ތިންވަނަ އަހަރަކަށް، ފޮރިން މިނިސްޓްރީގެ އޮޑިޓުން އެ މިނިސްޓްރީއަށް އޭ ސްޓާއެއް ލިބިއްޖެ އެވެ.
Advertisement
ފޮރިން މިނިސްޓްރީގެ 2022 ވަނަ އަހަރުގެ އޮޑިޓް ރިޕޯޓް، މިދިޔަ ހަފްތާގައި އޮޑިޓަރ ޖެނެރަލް ނެރުއްވާފައިވާއިރު، 2022 ވަނަ އަހަރު ފޮރިން މިނިސްޓްރީން މާލީ ހުރިހާ ކަމެއް ކޮށްފައިވަނީ ރަނގަޅަށް ކަމަށް ރިޕޯޓުގައި ފާހަގަކޮށްފައިވެ އެވެ.
ފޮރިން މިނިސްޓްރީގެ މާލީ އަހަރުގެ ހުރިހާ ހަރަދެއްކޮށްފައިވަނީ ރަނގަޅަށް ކަމަށް 2021 ވަނަ އަހަރުގެ އަދި 2020 ވަނަ އަހަރުގެ އެ މިނިސްޓްރީގެ އޮޑިޓް ރިޕޯޓުގައިވެސް ފާހަގަކޮށްފައިވެ އެވެ.
2022 ވަނަ އަހަރު ފޮރިން މިނިސްޓްރީން ކަމެއްވެސް ކޮށްފައިވަނީ މާލިއްޔަތު ގާނޫނާއި ދައުލަތުގެ މާލިއްޔަތު ގަވައިދާ އެއް ގޮތަށް، އަދި ރައްޔިތުންގެ މަޖިލީހުން ފާސްކޮށްފައިވާ ބަޖެޓުގެ މަގްސަދުތައް ހާސިލްވާ ގޮތަށް ކަމަށް ބަޔާންކޮށްފައިވަނީ މިދިޔަ ހަފްތާގައި އާއްމު ކުރި ފޮރިން މިނިސްޓްރީގެ 2022 ވަނަ އަހަރުގެ އޮޑިޓް ރިޕޯޓުގަ އެވެ.
86%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
14%
ވަރަށް ސަލާމް
ކޮމެންޓްސް
